Kvótafrumvörp skapa eignarnámsbætur hjá Vinnslustöðinni

24.Apríl'12 | 10:49

VSV vinnslustöðin

Lögmennirnir Ragnar H. Hall, Gunnar Jónsson og Almar Þór Möller telja að Vinnslustöðin í Vestmannaeyjum ætti rétt á eignarnámsbótum frá ríkinu ef kvótafrumvörp stjórnarinnar verða samþykkt óbreytt.
Þetta kemur fram í greinargerð frá Mörkinni lögmannsstofu hf. var unnin að ósk Vinnslustöðvarinnar hf. vegna frumvarpa til laga um stjórn fiskveiða og veiðigjöld. Umsögnin hefur verið send atvinnuveganefnd Alþingis.
 
„Við teljum...að sú gríðarlega hagsmunaröskun sem felst í umræddum lagafrumvörpum brjóti augljóslega gegn hagsmunum Vinnslustöðvarinnar hf., sem varðir eru af ákvæðum 72. gr. og 75 gr. stjórnarskrárinnar. Verði frumvörpin óbreytt að lögum eigi Vinnslustöðin hf. rétt á eignarnámsbótum frá íslenska ríkinu," segir í greinargerðinni.

Í tilkynningu um málið segir að einnig sé vísað í niðurstöðu IFS ráðgjafar sem kemst að þeirri niðurstöðu að virðisrýrnun hlutafjár Vinnslustöðvarinnar verði um 90%, fari úr 5,80 evrum á hlut niður í 0,60 evrur á hlut.
 
Í greinargerðinni er vísað til sérstaka veiðigjaldsins og að erfitt sé að átta sig á því hvernig það eigi að reiknast ...„sem vekur upp áleitnar spurningar um hvort skýrleiki réttarheimildarinnar fyrir gjaldtökunni sé nægjanlegur."

Þá er þeirri spurningu jafnframt velt upp hvort útreikningur gjaldsins og álagning feli í sér óheimilt framsal skattlagningarvalds frá löggjafarvaldi til framkvæmdavalds.

Fram kemur að ef áhrif fyrirliggjandi frumvarpa um breytingar á lögum um stjórn fiskveiða og veiðigjöld hefðu verið hluti af rekstrarumhverfi Vinnslustöðvarinnar árið 2010 hefði tap á rekstri hennar numið 3,6 milljörðum króna (22,2 millj. evra) í stað þess að reksturinn skilaði 730 milljóna króna (4,4 millj. evra) hagnaði.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%