ÚV áætlar að um 80 störf við sjávarútveg í Vestmannaeyjum hafi eða muni glatast við ákvarðanir stjórnvalda

Til viðbótar er áætlað að um 100 afleidd störf tapist

23.Apríl'12 | 10:11

höfn vestmannaeyjahöfn vestmannaeyjar vestmannaeyjabær

„Höfuðborgarsvæið naut góðs af hagvextinum fyrir fall bankanna. Þess hagvaxtar gætti hins vegar ekki á landsbyggðinni. Nú þegar horfir til betri vegar á landsbyggðinni vilja ráðamenn landsins gera hagvöxtinn þar upptækan! Gjaldið mun draga úr lífsgæðum og hagvexti í Eyjum. Þetta eru fjármunir sem eiga að stuðla að fjárfestingu og styrkingu útgerðar og vinnslu, ekki til gæluverkefna stjórnmálamanna."
Útvegsbændur í Vestmannaeyjum sendu frá sér umsögn fyrir helgi þar sem fyrirhuguðu frumvarpi er harðlega mótmælt sem þeir segja munu leiða til fjöldagjaldþrota í greininni. Þar segir ennfremur: „Núverandi stjórnvöld hafa með breytingum á fiskveiðistjórnunarkerfinu valdið því að 100 fjölskyldur í Vestmannaeyjum hafa eða munu glata lífsviðurværinu og það telst meiriháttar högg af mannavöldum fyrir þetta samfélag."
 
 
Samantekt: Helstu athugasemdir Útvegsbændafélags Vestmannaeyja
Útvegsbændur í Vestmannaeyjum eru á einu máli um að lögfesting þessara boðuðu breytinga muni leiða til fjöldagjaldþrota í greininni, skaða sjávarútveginn stórlega og varanlega og veita þar með sjávarbyggðum landsins og atvinnulífi landsmanna þung högg.
 
Veiðigjöldin sem boðuð eru í frumvarpi til laga um veiðigjöld styðjast við kolranga útreikninga á meintri auðlindarentu. Fjöldi fyrirtækja mun ekki hafa bolmagn til að greiða gjaldið. Best stöddu sjávarútvegsfyrirtæki landsins munu eiga í miklu basli við að viðhalda skipaflota, fasteignum og tækjum. Aðrar útgerðir lenda að öllum líkindum í meiriháttar greiðsluerfiðleikum.
 
Höfuðborgarsvæðið naut góðs af hagvextinum fyrir fall bankanna. Þess hagvaxtar gætti hins vegar ekki á landsbyggðinni. Nú þegar horfir til betri vegar á landsbyggðinni vilja ráðamenn landsins gera hagvöxtinn þar upptækan! Gjaldið mun draga úr lífsgæðum og hagvexti í Eyjum. Þetta eru fjármunir sem eiga að stuðla að fjárfestingu og styrkingu útgerðar og vinnslu, ekki til gæluverkefna stjórnmálamanna.

Frumvarp til laga um veiðigjöld, helstu athugasemdir:
-Útreikningur auðlindarentu er rangur og ofmetur auðlindarentuna um tugi milljarða.
--Dr. Ragnar Árnason, dr. Birgir Þór Runólfsson og dr. Daði Már Kristófersson, allir við Háskóla Íslands, hafa lýst yfir því að auðlindarentan sé rangt reiknuð út.
-- Undir það hefur Arion banki tekið ásamt Deloitte og fjöldi útvegsmanna.
- Hið 70% hlutfall veiðigjalds af auðlindarentu mun valda fjölda gjaldþrota í greininni.
-- Þar sem útreikningar á auðlindarentu eru rangir leiðir það til mun hærri gjaldtöku en 70%.
- Veiðigjald tekið af samanlagðri rentu útgerðar og fiskvinnslu er fráleitt.

Frumvarp til laga um stjórn fiskveiða, helstu athugasemdir:
-Flestir þeir sem í greininni eru hafa fjárfest í aflaheimildum á undanförnum árum og hafa mátt þola mikla skerðingu aflaheimilda. Þær byrðar hafa þeir tekið á sig í von um betri tíð og að þeir fái skerðinguna bætta þegar ástand fiskstofna leyfi. Annað kemur nú á daginn. Með þessu frumvarpi á stór hluti aukningarinnar að renna annað og útgerðirnar sitja eftir með skuldirnar!
- ÚV er sammála þeim hagfræðingum sem hafa bent á að strandveiðarnar eru óhagkvæmt kerfi, m.a. vegna þess að þær byggjast á sóknarkerfi sem á sér hliðstæðu í Færeyjum og Kanada og hefur sýnt sig að stuðlar að óhagræðingu þar sem bátum fjölgar og nýting þeirra versnar.
- Allt tal um starfsöryggi greinarinnar til 15 ára er marklaust. Ráðherra gæti ákveðið strax á fyrstu árum nýtingarleyfisins að hlutfallslega meiri aflaheimildir fari úr flokki 1 í flokk 2 en ákveðið var í byrjun og því minnki það aflamagn sem upphaflegt leyfi kvað á um.
- Félagsmenn ÚV mótmæla umtalverðum takmörkunum og skattlagningu á framsali aflahlutdeildar og aflamarks.
 
ÚV áætlar að um 80 störf við sjávarútveg í Vestmannaeyjum hafi eða muni glatast við ákvarðanir stjórnvalda. Til viðbótar er áætlað að um 100 afleidd störf tapist.

Núverandi stjórnvöld hafa með breytingum á fiskveiðistjórnarkerfinu valdið því að 100 fjölskyldur í Vestmannaeyjum hafa eða munu glata lífsviðurværinu og það telst meiriháttar högg af mannavöldum fyrir þetta samfélag.
 
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.