Markmiðið var að gefa fólki hugmyndir að því að elda hollan og næringarríkan mat sem þó væri ljúffengur og barnvænn

segir Berglind Sigmardóttir

23.Apríl'12 | 08:54
Í næstu viku kemur út bók eftir eyjakonuna Berglindi Sigmarsdóttur - Heilsuréttir fjölskyldunnar. Þar eru uppskriftir að ljúffengum réttum sem fjölskyldan elskar en bókin er skrifuð fyrir þá sem vilja bæta mataræði og lífsstíl fjölskyldunnar.
Berglind Sigmarsdóttir, er fjögurra barna móðir og mikil áhugamanneskja um heilsu og matargerð. Hún hefur mikla reynslu af því að elda hollan mat og aðlaga uppáhaldsrétti barnanna að hollara og næringarríkara mataræði. Í þessari einstöku bók hefur hún notið aðstoðar eiginmanns síns, landsliðskokksins Sigurðar Gíslasonar, við gerð uppskriftanna og afraksturinn er glæsileg lífsstíls- og matreiðslubók, stútfull af girnilegum heilsuréttum sem allir eiga eftir að njóta.
 
Gefin eru ráð um hvernig hægt er að draga úr sykurneyslu barna og ungmenna – og hvernig við fáum börn og unglinga til að borða heilsusamlegan mat og bæta lífsstíl sinn.
 
„ Í bókinni er heilmikill fróðleikur um hvernig við getum tekið ýmis skref í átt að heilsusamlegri lífsstíl og kennt börnunum okkar gildi þess að borða hollt og hreyfa sig. Markmiðið var að gefa fólki hugmyndir að því að elda hollan og næringarríkan mat sem þó væri ljúffengur og barnvænn. Við Siggi erum gott „team“ í eldhúsinu og það er mikil matarást á heimilinu“.
 
Hægt verður að kaupa bókina í Eymundsson útum allt land og í völdum heilsubúðum. Berglind sagðist einnig ætla að halda sérstakt útgáfuteiti í eyjum þar sem að eyjamönnum yrði boðin bókin á góðu verði.
 
Hægt er að finna upplýsingar um bókina á facebook með því að smella hér
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.