Stöndum ekki undir núverandi velferð

10.Apríl'12 | 08:37
Elliði Vignisson, bæjarstjóri í Vestmannaeyjum, segir ljóst miðað við skuldastöðu bæði sveitarfélaganna í landinu og íslenska ríkisins að þjóðin standi ekki undir núverandi velferð.
 
„Við eigum ekki að draga fjöður yfir þá staðreynd að staða margra sveitarfélaga er gríðarlega erfið. Það er skelfilegt að hugsa til þess að íslensk sveitarfélög skuldi rúmlega 550 milljarða króna eða 2,7 sinnum tekjur sínar. Jafnvel þegar litið er til nettóskulda kemur í ljós að þær eru 1,7 sinnum tekjur sveitarfélaganna. Staðan verður hinsvegar næstum óbærileg þegar til þess er litið að samanlagðar skuldir og ábyrgðir hins opinbera, bæði ríki og sveitarfélög,
eru um 10,2 milljónir á hvern Íslending.
 
Sveitarfélögin eru með um 17 prósent þess eða 1,7 milljónir og ríkið 83 prósent eða 8,5 milljónir. Þetta merkir að hver einasta fjögurra manna fjölskylda í landinu hefur verið gerð ábyrg fyrir rúmlega 40 milljónum króna af kjörnum fulltrúum. Sveitarstjórnarfólk hefur skuldbundið slíka fjölskyldu fyrir næstum 7 milljónum og þingmenn fyrir rúmlega 33 milljónum. Veruleikinn er því sá að við stöndum ekki undir núverandi velferð og við því þarf að bregðast með aukinni verðmætasköpun og ábyrgari ríkisfjármálum,“ segir Eilliði.
 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.