Skoða öll tilboð í rekstur Vestmannaeyjaferju

30.Mars'12 | 08:21
 
Hugsanlegt er að Samskip hafi gert mistök þegar boðið var í rekstur Vestmannaeyjaferjunnar Herjólfs næstu tvö árin. Eru stjórnendur fyrirtækisins að fara yfir málið, með starfsmönnum Vegagerðarinnar. Sú vinna þarf að ganga fljótt fyrir sig því nýr rekstraraðili á að taka við rekstri skipsins 1. maí næstkomandi.
Samskip ráku Herjólf í fimm ár en Eimskip hefur annast reksturinn í rúman áratug. Samskip höfðu áhuga á að taka reksturinn aftur yfir og buðust til að gera það í tvö ár fyrir rúmar 600 milljónir. Er það 230 milljónum undir áætlun Vegagerðarinnar. Ef Samskip geta staðið við boðið er þetta langhagstæðasta niðurstaðan fyrir Vegagerðina og ríkissjóð.
 
Nokkur frávikstilboð bárust þar sem boðið var upp á önnur skip með Herjólfi til að auka möguleika á siglingum til Landeyjahafnar. Samkvæmt upplýsingum Vegagerðarinnar virðast þau öll háð fyrirvörum og því að líkindum óheimilt að taka þau til greina.
 
Eimskip næstlægst
Aðaltilboð Eimskips hljóðaði upp á 859 milljónir sem er 3% yfir áætlun og tilboð Sæferða var enn hærra.
 
Starfsmenn Vegagerðarinnar fara yfir öll tilboðin, ekki aðeins tilboð lægstbjóðanda, til að flýta fyrir samningum.
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is