Óleyfileg þjóðhátíðargisting seld

28.Mars'12 | 13:02

Þjóðhátíð

Sýslumaðurinn í Vestmannaeyjum hefur ekki fengið umsókn frá þjóðhátíðarnefnd um leyfi fyrir gistingu í íþróttahúsi bæjarins sem byrjað er að selja í forsölu. Þjóðhátíðarnefnd hefur keypt níu af hverjum tíu miðum í Herjólf dagana fyrir og eftir hátíðina fyrir rúmar 11 milljónir króna.
Forsala þjóðhátíðarmiða hófst í gær. Að þessu sinni er fólki boðið að kaupa gistingu, annars vegar svefnpokapláss í íþróttasölum bæjarins og hins vegar gistingu í tjöldum í yfirbyggðu fjölnota íþróttahúsi. Karl Gauti Hjaltason, sýslumaður í Vestmannaeyjum, segir að þjóðhátíðarnefnd hafi ekki sótt um leyfi fyrir gistingu í þessum húsum. Eðlilegt sé að leita umsagnar heilbrigðisyfirvalda og slökkvistjóra áður en byrjað sé að selja gestum gistingu þar. Formaður þjóðhátíðarnefndar segir að búið hafið verið að ræða þessa hugmynd óformlega við sýslumann og eldvarnaeftirlit, eftir sé að klára málið formlega.
 
Önnur nýbreytni við skipulag hátíðarinnar er að þjóðhátíðarnefnd hefur keypt 90 prósent af miðum í ferðir Herjólfs í kringum verslunarmannahelgina. Aðspurður um gagnrýni þeirra sem vilja ferðast á þessum tíma en ekki kaupa miða á hátíðina sagði Páll Scheving Ingvarsson, formaður nefndarinnar, í samtali við Síðdegisútvarp Rásar 2 í gær að nefndin hefði ekki keypt alla miða í ferðir skipsins.
 
Gunnlaugur Grettisson, rekstrarstjóri Herjólfs, segist vera ánægður með að þjóðhátíðarnefnd hafi sýnt frumkvæði að því að stemma stigu við lélegri nýtingu í ferðir Herjólfs á hátíðina í fyrra. Hann segir að þjóðhátíðarnefnd ÍBV hafi keypt samtals 9.800 miða, 4.500 ferðir til Eyja á fimmtudegi og föstudegi og 5.300 ferðir til fastalandsins á mánudegi og þriðjudegi. Gunnlaugur bendir á að Siglingastofnun eigi eftir að svara erindi um fjölgun farþega um rúmlega hundrað í hverja ferð, líkt og gert var í fyrra. Þau sæti muni meðal annars nýtast til að koma til móts við óánægju vegna þessa nýja fyrirkomulags.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.  

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.