Viðræður um smíði Vestmannaeyjaferju mjakast hægt

21.Mars'12 | 09:24

Bakkafjöruferja

„Þetta mjakast hægt og bítandi. En við erum dálítið að vinna þetta umboðslaus á meðan ekkert kemur frá ríkinu. Þetta mál stendur og fellur með samningi við ríkið,“ segir Elliði Vignisson, bæjarstjóri í Vestmannaeyjum.
Samþykkt var á fundi bæjarstjórnar á síðasta degi febrúar að stofna hlutafélag um smíði og eignarhald á nýrri Vestmannaeyjaferju sem muni taka við af Herjólfi árið 2015. Áætlaður kostnaður við smíðina er talinn nema á bilinu 4 til 5 milljarðar króna. R'iki, sveitarfélögum í nágrenni Landeyjahafnar, lífeyrissjóðum á svæðinu og áhugasömum fjárfestum á að bjóða að borðinu. Vestmannaeyjabær stefnir ekki á að eiga stóran hlut í félaginu. Hugmyndin er að leigja ferjuna til ríkisins en að fjárfestahópurinn eigi skipið.
 
Ögmundur Jónasson innanríkisráðherra hefur tekið vel í hugmyndina en málið hefur ekki verið rætt í ríkisstjórn.
 
„Við erum komin með næmisgreiningu á rekstrinum og teljum að við getum boðið ríkinu upp á lausn sem sé ásættanleg fyrir alla. En við eigum erfitt með að fara í viðræður við lífeyrissjóði og fjárfesta á meðan ekki liggur fyrir hvort þetta er leið sem ríkinu hugnast. Þetta er svo stórt verkefni að ríkisstjórnin verður að vera einhuga á bak við það,“ segir Elliði.
 
„Um leið og ríkið er klárt þá verður allt í gang hjá okkur. En við verðum að vera samferða,“ segir bætir hann við.
 
www.vb.is

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.