Gísli Mattías á leiðinni í keppnina Matreiðslumaður Norðurlanda 2012

29.Febrúar'12 | 10:04
Gísli Mattías Auðunsson mun keppa fyrir hönd Íslands um titilinn Matreiðslumaður Norðurlanda 2012 sem haldin verður í Herning í Danmörku þriðjudaginn 20. mars.
 
Fyrirkomulag á keppninni er að 5 matreiðslumenn frá öllum norðurlöndunum taka þátt auk þess sem hvert land sendir svokallað "wildcard" en það er nemi eða sveinn sem ekki er orðin 23 ára á keppnisdag.
 
Gísli Matthías Auðunsson er 22 ára matreiðslumaður en hann lærði fræðin sín á tímabilinu 2008 og útskrifaðist í desember 2011 í Turninum í Kópavogi hjá frænda sínum Sigurði Gíslasyni, en Stefán Ingi Svansson er meistari hans.
 
Gísli hefur unnið meðal annars á stöðunum Nítjánda, Dill Restaurant, veiðihúsinu við Miðfjarðaránni hjá honum Hákoni Má, en hann stendur nú í stórræðum og vinnur við að opna veitingastað í Vestmannaeyjum ásamt systur sinni Indíönu, Sigurði Gíslasyni, mömmu sinni og pabba, en staðurinn opnar í byrjun sumars. Staðurinn mun bera nafnið Slippurinn.
 
Freisting.is fékk Gísla til að svara nokkrum spurningum og er þetta í fyrsta sinn sem hann tekur þátt í matreiðslukeppni, en hann keppir sem Wild card keppandi í Matreiðslumaður Norðurlanda 2012.
 
Núna ertu að fara taka þátt í keppninni Matreiðslumaður Norðurlanda 2012 sem Wild card keppandi, hvernig leggst það í þig?
Alveg rosalega vel
 
 
Ætla menn ekki að stefna hátt og skjóta meisturunum ref fyrir rass og vera í efstu þremur sætunum?
Haha! Það væri nú ekki leiðinlegt! Neinei. Mitt markmið er að vera efstur af Wild Card keppundunum. Ég ætla nú samt ekkert að fara frammúr mér í væntingum, eina sem ég veit er að ég ætla að gera mitt besta.
 
 
Ertu búinn að vera æfa þig mikið?
Í rauninni hingað til er ég ekki búinn að æfa mikið í verklega vegna anna, ég er samt búinn að skoða mikið og spá mikið. Er búinn að vera að vinna forvinnunna og svoleiðis.
 
Ég kom bara til Reykjavíkur frá Vestmannaeyjum í fær] og nú byrjar verklegar æfingar og standa í þrjár vikur, þ.e. fram að keppni. Ég verð yfir Food&Fun hátíðina á Dill Restaurant að safna mér reynslu og fá nýjar hugmyndir.
 
Turninn ætlar að veita mér æfingaaðstöðu og styrkja mig fyrir hráefni og er ég þeim Sigga Gísla og Stebba Svans virkilega þakklátur!
 
Hver er þinn helsti keppninautur í keppninni?
Ég lít nú ekki svona á þetta. Ég ætla bara að gera mitt besta, ég ætla ekkert að vera að spá of mikið í öðrum keppendum.
 
 Hvað telur þú að þetta komi til með að vera mikill kostnaður fyrir þig?
Ég veit það ekki, en ég er lítið að spá í það. Eins og ég sagði áður þá er Turninn að hjálpa mér mikið og síðan kemur Klúbbur Matreiðslumeistara á móti okkur í ferðakostnað sem er alveg frábært.
 
tekið af freisting.is
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is