Eyjamenn stofna sjálfir félag um smíði og eignarhald á nýrri Vestmannaeyjaferju

29.Febrúar'12 | 13:28

Bakkafjöruferja

Bæjarstjórn samþykkir að stofna hlutafélag um smíði og eignarhald á nýrri Vestmannaeyjaferju. Auk Vestmannaeyjabæjar verður ríkinu, öðrum sveitarfélögum á áhrifasvæði Landeyjahafnar, lífeyrissjóðum og áhugasömum fjárfestum boðin aðkoma að félaginu.
Samgöngur eru og verða eitt stærsta hagsmunamál Vestmannaeyja. Á seinustu árum hafa mál þróast með þeim hætti að hluta úr ári eru samgöngur langt frá þörfum samfélagsins. Erfiðleikar við Landeyjahöfn hafa gert það að ver kum að nánast vonlaust er að nýta höfnina á því skipi sem nú er siglt á við þær aðstæður sem nú ríkja í og við höfnina.
 
 
 
Ein af forsendum þess að hægt yrði að taka upp siglingar í Landeyjahöfn var að ný og grunnristari ferja yrði smíðuð og nýtt til verksins. Í kjölfarið á efnahagshruninu var fallið frá þeirri mikilvægu aðgerð. Þar með var ljóst að fyrstu árin yrðu erfið. Við þetta bætist svo að sandburður við Landeyjahöfn hefur verið mikið meiri en vonir stóðu til og erfiðlega hefur gengið að nýta dæluskip til að halda lágmarksdýpi.
 
 
 
Á blaðamannafundi 25. janúar sl. gerði Ögmundur Jónasson innanríkisráðherra grein fyrir því að stefnt væri að smíði nýrrar Vestmannaeyjaferju sem hefja á siglingar milli Landeyjahafnar og Vestmannaeyja í síðasta lagi árið 2015. Samhliða smíði ferjunnar verði allt kapp lagt á að endurskoðun útreikninga á sandburði og að vinna að lausnum til að draga úr honum með ákveðnum aðgerðum. Meðal annars er til skoðunar uppbygging á rifi sem skýlir höfninni og dregur úr sandburði auk fasts dælubúnaðar.
 
 
 
Bæjarstjórn Vestmannaeyja telur afar mikilvægt að allt kapp verði lagt á að hratt og örugglega verði unnið að því að þróa Landeyjahöfn út úr núverandi byrjunarvanda. Til að slíkt megi verða samþykkir bæjarstjórn að stofna hlutafélag um smíði og eignarhald á nýrri Vestmannaeyjaferju. Auk Vestmannaeyjabæjar verður ríkinu, öðrum sveitarfélögum á áhrifasvæði Landeyjahafnar, lífeyrissjóðum og áhugasömum fjárfestum boðin aðkoma að félaginu. Gert er ráð fyrir því að forsenda félagsins sé leigusamningur við ríkið til amk. 10 ára sem tryggir að hluthafar fái hlutafé sitt greitt til baka á rekstrartímanum auk lágmarksávöxtunar.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is