Flestir fá eitthvað tækifæri á morgun

segir Heimir Hallgrímsson fyrir landsleik Íslands og Japan á morgun

23.Febrúar'12 | 15:17

ÍBV Heimir Hallgrímsson

Íslenska landsliðið leikur vináttulandsleik við Japan klukkan 10:20 á morgun að íslenskum tíma. Fótbolti.net heyrði í Heimi Hallgrímssyni aðstoðarþjálfara áðan en nú er komið fimmtudagskvöld í Japan.
Heimir segir að ferðalagið til Japans hafi verið mjög erfitt.
 
„Það er misjafnt hvernig mönnum gengur að sofa í flugvélum. Það hefur gengið erfiðlega að snúa sólarhringnum við en við höfum verið að slaka á núna svo menn hafa getað fengið sér kríu inn á milli," segir Heimir.
 
Japanir kurteisir
Engin meiðsli eru í hópnum. Tekið hefur verið vel á móti íslenska liðinu í Japan og aðbúnaðurinn er góður.
 
„Það er með ólíkindum hvað Japanir eru kurteist fólk og til í að aðstoða með allt saman. Það er ekkert yfir neinu að kvarta, völlurinn er flottur svo það eru engar afsakanir þar. Æfingarnar hafa mikið snúist um taktík svo þær hafa ekki verið erfiðar en það tekur aðeins á mann eftir svona langt ferðalag."
 
„Tilgangurinn með þessu er líka að sjá menn í leik. Það fá nú flestir eitthvað tækifæri á morgun. Við erum eiginlega búnir að ákveða hverja við látum byrja en vonandi fá sem flestir tækifæri á að sýna sig," segir Heimir.
 
Fóru saman í miðbæinn
Ekki hefur verið ákveðið enn hver muni bera fyrirliðabandið í leiknum.
 
„Allur undirbúningur hérna gengur út á það að menn verði ferskir á leiktíma á morgun. Við tókum okkur smá frí áðan og fórum meðal fólks í miðbænum og skoðuðum hann. Það væri hörmung að fljúga alla leið til Japans og sjá bara hótel og fótboltavöll."
 
Uppselt á leikinn
Hvernig býst Heimir við að Japan komi inn í þennan leik? „Þeir eru að fara inn í lokakeppni og leikmenn fá ákveðið tækifæri að stimpla sig inn í það. Völlurinn tekur 50 þúsund manns og það er uppselt á leikinn. Á blaðamannafundi áðan voru 100 blaðamenn svo það er rosalegur áhugi á þessum leik og þeir taka hann greinilega mjög alvarlega," segir Heimir.
 
„Ég er ekki í nokkrum vafa að sama hvaða leikmenn eru að fara að spila á morgun þá er mikill heiður í húfi fyrir þá. Þetta er síðasta tækifæri þeirra að komast inn í hópinn fyrir þessa lokakeppni.. Að sama skapi eru strákarnir okkar að sýna sig fyrir nýjum landsliðsþjálfara og þetta er frábært svið til að gera það."
 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is