Heimildarmynd um þjóðhátíðina sýnd í Sagnheimum á laugardaginn

10.Febrúar'12 | 10:16

Sagnheimar, byggðasafn er opið í vetur á laugardögum kl. 13-16. Undanfarna laugardaga hafa verið sýndar nokkrar myndir úr frábæru heimildamyndasafni Páls Steingrímssonar (KVIK kvikmyndagerð). Laugardaginn 11. febrúar er komið að síðustu myndinni í þessari syrpu, myndinni Hátíð, þar sem fjallað er um Þjóðhátíð og mannlíf í Vestmannaeyjum á árunum 1980-1990. Myndin verður sýnd kl. 13:30 og 14:30. Heitt á könnunni.Allir hjartanlega velkomnir.

Aðgangseyrir: Tveir fyrir einn, ókeypis fyrir börn yngri en 15 ára.

Enn höldum við áfram að sýna valdar myndir úr frábæru heimildamyndasafni Páls Steingrímssonar (KVIK kvikmyndagerð). Myndirnar eru sýndar á laugardögum kl. 13:30 og 14:30.

28. janúar: Tvö eyjasamfélög í Norður-Atlantshaf og ginklofinn. Ginklofinn, eða stífkrampinn, lagði að velli flest ungbörn sem fæddust í Vestmannaeyjum á öldum áður. Sömu sögu er að segja frá skosku eynni St. Kilda. Saga Landlystar er samtvinnuð þessari sögu.

4. febrúar: Litli bróðir í norðri. Lundabyggðir heimsóttar , fylgst með lífshlaupi þessa merkilega fugls, úteyjarlífi og pysjuveiðum í Eyjum.

11. febrúar: Hátíð. Heimildamynd um þjóðhátíð og mannlíf í Vestmannaeyjum 1980-1990.

Heitt á könnunni.

Allir hjartanlega velkomnir

Aðgangseyrir : Tveir fyrir einn, ókeypis fyrir börn yngri en 15 ára.