Vestmannaeyjabær íhugar að flytja út sorp

1.Febrúar'12 | 08:14

Vestmannaeyjar Vestmannaeyjabær

Vestmannaeyjabær íhugar að flytja sorp til útlanda, til brennslu. Að óbreyttu verða sorpbrennslustöðvar í Eyjum og á Kirkjubæjarklaustri ólöglegar um næstu áramót. Umhverfisráðherra vill fella úr gildi undanþágur eldri sorpbrennslustöðva.
Ráðgert er að nýja reglugerðin öðlist gildi í febrúar og að undanþágur eldri sorpbrennslustöðva verði felldar úr gildi um næstu áramót. Tvær nýlegar sorpbrennslur eru í Helguvík og á Húsavík. Breytingin mun hafa áhrif á tvær eldri stöðvar, á Klaustri og í Vestmannaeyjum.
 
Eygló Kristjánsdóttir, sveitarstjóri Skaftárhrepps, segir að því miður virðist fátt annað vera í stöðunni en að loka brennslunni. Hún telur urðun vera afturför í umhverfismálum sveitarfélagsins. Lokun brennslunar hafi einnig áhrif á rekstur skóla, íþróttahúss og sundlaugar sem fá orku frá sorpbrennslunni. Sveitarstjórn Skaftárhrepps hefur þó ekkert ákveðið um framhald mála.
 
Svipaða sögu segja menn í Vestmannaeyjum. Dýrt verði að breyta sorpbrennslunni til samræmis við þær nýrri. Sérstaklega þar sem flokkun hafi dregið úr magni brennanlegs sorps. Ólafur Þór Snorrason, framkvæmdastjóri umhverfis- og framkvæmdasviðs Vestmannaeyja, segir of snemmt að nefna tölur en kostnaður við breytingar brennslunnar muni nema hundruðum milljóna króna.
 
Annar kostur Eyjamanna er að flytja sorp til fastalandsins eða útlanda. Þar er horft til þess að flutningaskip sigla frá Eyjum til Evrópu tvisvar í viku. Ólafur segir það geta verið hagkvæmara að hætta flokkun sorps og selja það allt til útlanda, þar sem erlendir kaupendir hafi áhuga á endurvinnanlegu sorpi sem innihaldi meiri orku en almennt sorp. Að hans mati yrði það þó afturför að hætta við sorpflokkun sem hafi gengið vel frá því að hún var tekin upp í Eyjum síðastliðið sumar.
 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.