Eyjamenn snöggir að hala inn fyrir Landeyjahöfn og nýrri ferju

1.Febrúar'12 | 07:45

Kap ve VSV

Gjaldeyristekjur sem Vestmannaeyingar skapa á tíu vikna loðnuvertíð stefna í að verða álíka miklar og kostnaður við bæði Landeyjahöfn og nýjan Herjólf.
Skip Vinnslustöðvarinnar, Sighvatur Bjarnason, sést á myndum Gísla Óskarssonar, sem sýndar voru í fréttum Stöðvar 2, sigla inn til Vestmannaeyja síðastliðið laugardagskvöld með tólfhundruð tonn af loðnu en skipið er síðan aftur væntanlegt í nótt með annað eins.
 
Stóraukinn loðnukvóti þýðir mikla búbót fyrir Eyjarnar. Þar er allt komið á fullan snúning og bátarnir koma nú inn í bunum til að landa, segir framkvæmdastjóri Vinnslustöðvarinnar, Sigurgeir Brynjar Kristgeirsson. Hann segir að mesta áherslan sé á að vinna lýsi og mjöl, sem gefi mestar tekjur um þessar mundir, en þegar nálgist hrygningu taki við hrognavinnsla og frysting.
 
Þeir markaðir séu hins vegar þyngri, sérstaklega í hrygnunni, en þeir muni þó slást á hrognamarkaði, segir Binni í Vinnslustöðinni, eins og hann er jafnan nefndur í Eyjum. Hann segir þetta verða bræðsluvertíð að stórum hluta, enda sé verðmæti þeirra afurða nú tvöfalt til þrefalt hærrra en fyrir nokkrum árum.
 
Fyrirtæki Eyjamanna, Ísfélagið og Vinnslustöðin, eru með um þrjátíu prósent loðnukvótans en Ísfélagið vinnur hluta aflans á Þórshöfn. Sigurgeir Brynjar spáir því að af 30 milljarða króna búhnykk þjóðarbúsins vegna loðnuvertíðar verði fimm til átta milljarðar til í Vestmannaeyjum á næstu tveimur mánuðum.
 
Margir hafa býsnast yfir kostnaði við Landeyjahöfn og smíði nýrrar Vestmannaeyjaferju. Átta milljarða króna kostnaður fyrir höfn og ferju er þó álíka og vænta má að Eyjamenn skapi í gjaldeyristekjur af loðnuvertíð á nokkrum vikum og virkar sem smáræði miðað við gjaldeyrisöflun Eyjmanna á ári þegar þorskurinn, makríllinn og allar hinar tegundirnar eru lagðar saman. Binni segir verðmæti útfluttra sjávarafurða frá Vestmannaeyjum á bilinu 30-35 milljarðar króna á ári, eða um 15% af útflutningstekjum sjávarútvegs. Það segir hann mikið miðað við 4.200 manna samfélag.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).