Goslokanna minnst í Einarsstofu

24.Janúar'12 | 09:16

eldgos

Mánudaginn 23. janúar opnuðum við í Einarsstofu í Safnahúsinu sýningu um eldgosið sem við nefnum Eldgos – aflvaki sagna og sigra. Á sýningunni getur að líta margvíslegar heimildir úr Bóka-, Skjala- og Byggðasafni um örlagadaga Vestmannaeyja. Jafnframt höfum við tekið saman listaverk eftir ýmsa listamenn úr Eyjum er grunlausir mála svæði er síðar varð horfinn heimur.
 
Þá munu Sagnheimar efna til kvikmyndaveislu næstu laugardaga sem auglýst er hér að neðan.
Hjartanlega velkomin.

Sagnheimar, byggðasafn – kvikmyndaveisla
Næstu fjórar helgar ætla Sagnheimar, byggðasafn að sýna valdar myndir úr frábæru heimildamyndasafni Páls Steingrímssonar (KVIK kvikmyndagerð). Myndirnar verða sýndar á laugardögum kl. 13:30 og 14:30.
21. janúar: 5000 óboðnir gestir. Heimaeyjargosið 1973.

28. janúar: Tvö eyjasamfélög í Norður-Atlantshaf og ginklofinn. Ginklofinn, eða stífkrampinn, lagði að velli flest ungabörn sem fæddust í Vestmannaeyjum á öldum áður. Sömu sögu er að segja frá skosku eynni St. Kilda. Saga Landlystar er samtvinnuð þessari sögu.

4. febrúar: Litli bróðir í norðri. Lundabyggðir heimsóttar, fylgst með lífshlaupi þessa merkilega fugls, úteyjarlífi og pysjuveiðum í Eyjum.

11. febrúar: Hátíð. Heimildamynd um þjóðhátíð og mannlíf í Vestmannaeyjum 1980-1990.
Heitt á könnunni.

Allir hjartanlega velkomnir.
Aðgangseyrir: Tveir fyrir einn, ókeypis fyrir börn yngri en 15 ára.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.