Dagbók lögreglunnar

Ein líkamsárás var kærð til lögreglu í vikunni

Helstu verkefni frá 16. til 23. janúar 2012

23.Janúar'12 | 16:07

Lögreglan,

Það var í ýmis horn að líta hjá lögreglunni í vikunni sem leið án þess þó að alvarleg mál hafi komið upp. Skemmtanahald helgarinnar fór þokkalega fram þrátt fyrir að fjöldi fólks hafi verði að skemmta sér, enda er tími Þorrablótanna runnin upp. Eitthvað var um pústra við skemmtistaði bæjarins án þess þó að það hafi leitt til kæru. Lögreglan þurfti þó að koma fólki til síns heima sem átti erfitt með að fóta sig, bæði sökum ölvunar og ekki síst hálku sem var á götum bæjarins.
Ein líkamsárás var kærð til lögreglu í vikunni sem leið en um var að ræða árás í heimahúsi að kvöldi 19. janúar sl. Húsráðandinn, kona um fertugt, lagði fram kæru á hendur manni á fertugsaldri, sem hafði verið þar gestkomandi, hún sagði manninn hafi lagt á hana hendur. Konan var ekki með alvarlega áverka en kvartaði þó yfir eymslum víðsvegar um líkamann.
 
Að kvöldi 19. janúar sl. var lögreglan kölluð að húsi við Faxastíg en þar hafði orðið eldur laus í ruslafötu í eldhúsi. Ekki var um mikið tjón að ræða sökum eldsins en einhverjar reykskemmdir urðu þó. Heimilisfólkið, sem var heima þegar eldisins varð vart, náði að koma ruslafötunni út úr húsinu en eldurinn mun hafa kviknað út frá vindlingi sem hent hafði verið í rusalfötuna skömmu áður. Slökkviliðið var kallað út og aðstoðaði við að reykræsta húsið. Heimilisfólkinu varð ekki meint af.
 
Í vikunni klippti lögreglan skráningarmerki af þremur bifreiðum þar sem eigendur þeirra höfðu vanrækt að greiða lögboðnar tryggingar af þeim. Þá voru eigendur á annan tug bifreiða boðaðir í skoðun með bifreiðar sínar, en nokkuð er um óskoðuð ökutæki í umferð og eru ökutækjaeigendur hvattir til að fara með ökutæki sín í skoðun á tilsettum tíma.
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).