Þynging Hæstaréttar fordæmisgefandi

segir Páley Borgþórsdóttir réttargæslumaður telpnanna

20.Janúar'12 | 08:20
Þynging Hæstaréttar á dómi yfir manni sem níddist á þremur telpum í Vestmannaeyjum er fordæmisgefandi, að mati lögmanns þeirra. Maðurinn var dæmdur í átta ára fangelsi.
september á síðasta ári dæmdi héraðsdómur manninn í sjö ára fangelsi. Páley Borgþórsdóttir lögmaður, sem var réttargæslumaður telpnanna fyrir héraðsdómi, taldi þann dóm of vægan. Hún benti meðal annars á að einungis hafi verið dæmt fyrir kynferðisbrot gegn börnum en ekki fyrir brot gegn 194. grein almennra hegningarlaga sem fjallar um beitingu ofbeldis eða hótun um ofbeldi við nauðgun.
 
Páley segir niðurstöðu Hæstaréttar í dag vera afdráttarlausa, maðurinn hafi verið sakfelldur fyrir brot gegn 194. grein almennra hegningarlaga. Hún segir það í meira samræmi við ákæruliði málsins en fyrri niðurstaða héraðsdóms. Páley telur að dómur Hæstaréttar hafi fordæmisgildi, nú sé skýrt að það beri að ákæra og sakfella eftir þessu ákvæði í kynferðisbrotamálum gegn börnum. Vísar hún til þess að árið 2007 var gildissvið 194. greinar almennra hegningarlaga rýmkað verulega. Í dómi Hæstaréttar í dag er vísað til frumvarps þeirrar lagabreytingar, þar sem sagði að kynmök fullorðins manns við barn væru slík misnotkun á yfirburðastöðu hans gagnvart barninu að í því fælist ofbeldi, hótun og misneyting, þótt svo væri ef til vill ekki ef þolandinn væri fullorðinn.
 
Maðurinn var dæmdur fyrir að misnota stjúpdóttur sína ítrekað þegar hún var sjö og átta ára. Hann var einnig sakfelldur fyrir að misnota ellefu ára dóttur fyrrverandi sambýliskonu sinnar, og níu ára telpu sem var gestkomandi á heimili hans. Hreyfimyndir og ljósmyndir sem maðurinn tók í mörgum tilvikum var metið til refsiþyngingar.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).