Hefja á niðurrif Sólvangs næstkomandi mánudag

20.Janúar'12 | 09:15
Ef veður leyfir, næsta mánudagsmorgun, 23. janúar og spáin tekur breytingum til hins betra fyrir þriðjudaginn, munu starfsmenn Þjónustumiðstöðvar Vestmannaeyja freista þess að hefja niðurrif á húseigninni Sólvangi að Kirkjuvegi 29.
Loka þarf þessum hluta götunnar, á meðan framkvæmdum stendur, við niðurrif og þá einnig bílastæði sunnan við Íslandsbanka, allt til að forðast tjón á fólki og eignum.
Það kemur síðan í ljós hversu lengi lokunin þarf að vara, fer allt eftir því hvernig verkinu miðar, en gera má ráð fyrir að niðurrifið taki minnst tvo vinnudaga, síðan tekur við vinna við að ganga frá jarðvegssárum sem myndast við framkvæmdina. Ekki er talið nauðsyn á lokun götunnar við jarðvegsframkvæmdirnar, en loka verður í það minnsta hluta af bílastæðum sunnan við Íslandsbanka og austan megin á Kirkjuvegi gegnt framkvæmdasvæðinu.
 
Í nokkurn tíma hefur verkið verið í startholunum, en ekki talið ráðlegt að hefja rifin fyrr vegna veðurs.
Spáin næsta mánudag er mjög góð, en alls ekki þriðjudag og eins og fyrr er getið, að ef ekki verður breyting á, varðandi þriðjudaginn, frestast þetta verk að öllum líkindum.

Vonum að þetta verk raski sem minnst þeirri starfsemi sem fram fer í nágrenni svæðisins og lífi fólks.
 
Bestu kveðjur
 
Guðmundur Þ. B. Ólafsson,
eftirlitsmaður fasteigna
rekstrarstjóri Þjónustumiðstöðvar Vestmannaeyja
 

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...