Vill deyja áður en mynd er gerð

Guðlaugur Friðþórsson segir það af og frá að hann sé sáttur við gerð myndarinnar Djúpið

9.Janúar'12 | 09:37
„Mér þætti voða vænt um að fá að drepast áður en menn fara að búa til bíó um mann,“ segir Guðlaugur Friðþórsson, sem komst einn lífs af þegar Hellisey VE 503 sökk austur af Stórhöfða að kvöldi 11. mars 1984.
Guðlaugur, sem þá var aðeins 22 ára gamall, vann ótrúlegt þrekvirki þegar hann synti um sex kílómetra leið að landi í ísköldum sjónum. Sundið tók hann fimm klukkutíma. Þegar í land kom þurfti hann að ganga berfættur yfir hraunið til byggða í Vestmannaeyjum. Fjórir skipverjar fórust með Hellisey.
 
Baltasar Kormákur vinnur nú að gerð kvikmyndarinnar Djúpið sem fallar um sjóslysið og björgunarafrek Guðlaugs sem sjálfur er mjög ósáttur við þann ráðahag. En farið var í gerð myndarinnar án samráðs við hann.
 
Baltasar sagði í viðtali í helgarblaði DV að þeir Guðlaugur hefðu náð sáttum í málinu. Þeir hefðu skipst á skoðunum og að Guðlaugur væri ekki á móti því að myndin yrði gerð. Guðlaugur sjálfur segir það af og frá að hann sé sáttur. „Ef hann hefur haldið það þá hefur hann misskilið mig.“
 
Í umfjöllun um málið í DV í dag segir Guðlaugur það hins vegar rétt að hann standi ekki í deilum við Baltasar og sé ekki ósáttur við hann sem einstakling.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.