Dagbók lögreglunnar

Rúðubrot í reiðiskasti

Helstu verkefni frá 27. desember til 2. janúar 2012

2.Janúar'12 | 16:09

Lögreglan,

Áramótin fóru ágætlega fram og lítið um útköll hjá lögreglu. Töluverður fjöldi var að skemmta sér á skemmtistöðum bæjarins í tilefni áramóta en skemmtunin fór ágætlega fram. Lögreglan þurfti samt sem áður að aðstoða nokkra einstaklinga til síns heima sökum ölvunarástands þeirra.
Ein eignaspjöll voru tilkynnt til lögreglu í vikunni sem leið en um er að ræða rúðubrot í húsnæði Björgunarfélags Vestmanneyja. Þarna hafði drengur á sautjánda ári brotið rúðuna í reiðikasti en honum hafði eitthvað sinnast við félag sinn. Viðurkenndi hann rúðubrotið og kvaðst tilbúinn til að bæta tjónið.
 
Einn ökumaður var stöðvaður í vikunni vegna gruns um ölvun við akstur og var hann sviptur ökuréttindum í framhaldi af því. Þá voru tveir ökumenn sektaðir fyrir brot á umferðarlögum, annar fyrir ólöglega lagningu en hinn fyrir að virða ekki stöðvunarskyldu.
 
Eitt umferðaróhapp var tilkynnt lögreglu um helgina en þarna hafði orðið árekstur tveggja bifreiða á gatnamótum Illugagötu og Kirkjuvegar. Ekki var um nein slys á fólki að ræða en nokkuð tjón varð á bifreiðunum.
 
Að morgni nýársdags var lögreglu tilkynnt um að eldur væri laus í fiskikari sem var við hús á Illugagötu. Kviknað hafði í út frá glóð í skoteldum og var slökkviliðið kallað út sem réði niðurlögum eldsins á skammri stundu. Lítið sem ekkert tjón varð af völdum eldsins nema hvað grindverk, sem karið stóð upp við, sviðnaði lítisháttar.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-