Bæjarráð bendir á að rekstrargjöld Heilbrigðisstofnunar Vestmannaeyja lækkuðu um 17% milli áranna 2008 og 2010

9.Desember'11 | 07:29
Bæjarráð Vestmannaeyja fundaði í gær og tók m.a. annars fyrir erindi frá Heilbrigðisstofnun Suðurlands vegna mikillar lækkunar á fjárveitingum til stofnunnarinnar á síðustu árum.
Bæjarráð tekur undir áhyggjur framkvæmdastjóra Heilbrigðisstofnunar Suðurlands.
Mikið hefur dregið úr heilbrigðisþjónustu í Vestmannaeyjum á seinustu árum. Stærsta breytingin er sú að skurðstofan er nú lokuð í sex vikur á ári. Þá hefur verið dregið mikið úr göngudeildarstarfsemi og úr þjónustu heilsugæslulækna. Þjónusta á göngudeildum sykursjúkra, hjarta- og offituskjúklinga hefur einnig dregist saman. Mönnun legudeilda er minni og áfram má telja. Hvað sem líður yfirlýsingum velferðarráðuneytisins þá óttast bæjarráð að verið sé að draga úr þjónustu og öryggi Eyjamanna.
 
 
Bæjarráð bendir á að rekstrargjöld Heilbrigðisstofnunar Vestmannaeyja lækkuðu um 17% milli áranna 2008 og 2010. Fjárveitingar hennar lækkuðu svo um 62,2 milljónir í fjárlögum 2011. Áætluð hagræðingakrafa ásamt uppsöfnuðum halla er núna um 40 milljónir króna. Við þetta bætist tugmilljóna samdráttur í framlögum til Hraunbúða sem annast stóran hluta af heilbrigðisþjónustu við eldri borgara. Yfirlýsing velferðarráðuneytis um að ekki sé gert ráð fyrir að breytingar verði á þjónustustigi við íbúa Vestmannaeyja þarfnast því skýringa.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.