Penninn opnar á ný á morgun klukkan 13:00

4.Desember'11 | 09:06
„Ég ætla að opna hérna á mánudaginn klukkan 13," segir Erla Halldórsdóttir, verslunarstjóri bókaverslunar Eymundsson í Vestmannaeyjum. Um helgina á að innrétta nýja bókaverslun í verslunarhúsi við Faxastíg sem í daglegu tali er kallað Tvisturinn.
Verslun Eymundsson í húsinu Drífanda við Bárustíg skemmdist mikið þegar eldur kom upp í húsinu aðfaranótt miðvikudags. Slökkvilið taldi sig hafa ráðið niðurlögum eldsins um morguninn en þá blossaði hann upp aftur.
 
„Ég kom að húsinu um nóttina eftir að búið var að slökkva í fyrra skiptið og hugsaði með mér, að það yrði hægt að opna aftur fljótlega. En eftir að það kviknaði aftur í varð ljóst að þar yrði ekki verslun í bráð," segir Erla.
 
Eymundsson var eina bókaverslunin í Vestmannaeyjum en nú fer í hönd annasamasti tími ársins á þessu sviði. Hjá Pennanum, sem rekur Eymundsson verslanirnar, var því brugðið hratt við og leigt húsnæði í Tvistinum en þar hefur raunar áður verið rekin bókaverslun.
 
Borgar Jónsteinsson, rekstrarstjóri verslunarsviðs Pennans, er kominn til Vestmannaeyja til að hafa yfirumsjón með uppsetningu nýju verslunarinnar. Hann segir að nýtt verslunarkerfi sé þegar komið til Eyja og bíði í gámi og von sé á innréttingum og smiðum með Herjólfi síðar í dag.
 
Erla, sem hefur verið verslunarstjóri Eymundsson í Eyjum í 12 ár, segir að verslunin í Drífanda, sem var opnuð sumarið 2010, hafi verið lítill samkomustaður í miðbænum. Þar var Te og kaffi með kaffihús, Síminn með verslunarhorn og einnig var þar upplýsingamiðstöð fyrir ferðamenn. Ekki er ljóst hvað verður um húsið, hvort hægt verður að gera það upp eða hvort nýtt hús verður byggt. En Erla segist ætla þangað aftur með verslunina strax og hægt verður.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).