Áætluð hagræðingarkrafa á Heilbrigðisstofnun Vestmannaeyja ásamt uppsöfnuðum halla er um 40 m.kr.

2.Desember'11 | 08:51
Í umræðu um fjárlög ársins 2012 hefur velferðarráðherra lagt fram skýrslu um stöðu sjúkrahúsa og heilbrigðisstofnana og er þar m.a. fjallað um Heilbrigðisstofnun Vestmannaeyja.
Í skýrslunni segir  að Heilbrigðisstofnun Vestmannaeyja er í heilbrigðisumdæmi Suðurlands en hefur nokkra sérstöðu vegna legu eyjanna og samgangna til og frá þeim. Íbúar eru ríflega 4100. Auk þeirrar almennu heilbrigðisþjónustu sem stofnunni ber að veita lögum samkvæmt á heilsugæslustöð og sjúkrahúsi er til taks sólarhringsþjónusta á skurðstofu og fæðingarhjálp svo unnt hefur verið að sinna fæðingarþjónustu allan sólarhringinn.
 
Frá efnahagshruni hafa þó orðið nokkrar breytingar á þjónustu sem snúa beint að notendum. Helst er að nefna að skurðstofan er lokuð í sex vikur að sumri svo fæðandi konur hafa þurft að fara til Reykjavíkur. Þá hefur verið dregið úr göngudeildastarfsemi og örlítið úr þjónustu heilsugæslulækna. Þjónusta á göngudeildum sykursjúkra, hjarta- og offitusjúklinga hefur dregist saman. Í rekstri hefur verið dregið úr mönnun á vöktum legudeilda og veitt aðhald í rekstri mötuneytis o.fl.
 
 
Fjárveitingar til HSV
                     2010                      2011              2012(frumvarp)
Fjárlög        672,1                     634,4             663,6

Rekstrargjöld stofnunarinnar lækkuðu um 17% milli áranna 2008 og 2010 (staðvirt á verðlag ársins 2010). Höfuðstóll stofnunarinnar var neikvæður um 7,4 m.kr. í árslok 2008.

Mat
Áætluð hagræðingarkrafa á Heilbrigðisstofnun Vestmannaeyja ásamt uppsöfnuðum halla er um 40 m.kr. Stofnunin er lítil, einungis 15 sjúkrarými og 7 hjúkrunarrými og reksturinn þó umfangsmikill vegna starfsemi skurðstofa og stoðþjónustu við hana. Stofnunin hefur um nokkra hríð glímt við læknaskort og ekki hefur tekist að manna stöður með viðunandi hætti og verktakar hafa reynst stofnuninni kostnaðarsamir. Ekki hefur tekist að fækka vaktlínum þeirra og er um ofmönnun að ræða. Hjúkrunarrými eru sjö á stofnuninni en í næsta nágrenni er dvalarheimilið Hraunbúðir með 27 hjúkrunarrýmum auk dvalarrýma.

Lagt er til að Heilbrigðisstofnun Vestmannaeyja verði sameinuð Heilbrigðisstofnun Suðurlands og viðræður verði hafnar við Vestmannaeyjabæ um fyrirkomulag öldrunarþjónustu til framtíðar. Ekki er lögð til breyting á hagræðingarkröfu stofnunarinnar að svo stöddu.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.