Öllum má ljóst vera að sandburður er sennilega langt umfram það sem búist var við

Tafarlaust verði ráðist í hönnun og smíði nýrrar ferju í stað núverandi Herjólfs.

25.Nóvember'11 | 16:04
Bæjarstjórn Vestmannaeyja lýsir yfir miklum áhyggjum af stöðu mála í Landeyjahöfn og þar með á þjóðveginum til Vestmannaeyja. Sérstaklega er tekið undir það mat samráðshóps um Landeyjahöfn að staða dýpkunarmála er langt frá því að vera í ásættanlegum farvegi. Bæjarstjórn Vestmannaeyja tekur undir það mat samráðhópsins að tafarlaust þurfi að yfirfara sandburða- og efnisburðaútreikninga af utanaðkomandi aðilum.
Öllum má ljóst vera að sandburður er sennilega langt umfram það sem búist var við og mikilvægt að dýpkunaraðferðir taki mið af raunverulegum aðstæðum en ekki spám sem ekki hafa gengið eftir. Því þarf undir eins að hefja markvissan undirbúning þess að koma niður föstum dælubúnaði eins og ítrekað hefur verið rætt. Þangað til þarf að tryggja að þau dýpkunartæki sem halda eiga þjóðvegnum til Eyja opnum ráði við það verk.
 
Það er mat bæjarstjórnar Vestmannaeyja að á meðan sigla á í Landeyjahöfn á óhentugri ferju (Herjólfi) og sinna dýpkun á gömlu og bilanagjörnu dýpkunarskipi þá verða frátafir langt umfram það sem annars væri.

Bæjarstjórn óskar eftir skýrum svörum frá Innanríkisráðherra og öðrum þeim sem um málið fjalla um það hvað á að gera til leysa þann bráðavanda sem enn er uppi hvað Landeyjahöfn varðar.
Þá ítrekar bæjarstórn enn og aftur mikilvægi þess að tafarlaust verði ráðist í hönnun og smíði nýrrar ferju í stað núverandi Herjólfs.

Gunnlaugur Grettisson
Elliði Vignisson
Páley Borgþórsdóttir
Páll Marvin Jónsson
Guðlaugur Friðþórsson
Páll Scheving Ingvarsson
Jórunn Einarsdóttir.
Ályktunin var samþykkt með sjö samhljóða atkvæðum.
 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.