Skelfileg örlög læðunnar Lolu

Lifði í 10 daga eftir að lögreglumaður í Eyjum skaut hana

23.Nóvember'11 | 10:20

Vestmannaeyjar Vestmannaeyjabær

Það tók læðuna Lolu tíu daga að komast til sín heima eftir misheppnaða tilraun lögreglumanns til að aflífa hana með skotvopni. Atburðurinn átti sér stað í Vestmannaeyjum fyrir tveimur vikum þegar eigandi kattarins vildi losa sig við Lolu, sem var eins árs, og hafði samband við lögregluna og bað hana um aðstoð.
Enginn dýraspítali er í Vestmannaeyjum, en dýralæknir kemur á þriggja vikna fresti og tekur þá að sér að aflífa dýr sé þess óskað. Að sögn konu sem tengist málinu, var farið með læðuna á lögreglustöðina í Vestmannaeyjum þar sem lögreglumaður tók að sér að lóga henni. Hann fór með læðuna, sem var í kassa, út í hraun og hleypti af skoti úr byssu í þeim tilgangi að lóga henni. Það fór ekki betur en svo að styggð kom að læðunni við skotið og hún náði að losa sig úr kassanum og hljóp í burtu út í hraunið.
 
Hún var tíu daga að komast stutta vegalengd heim. Á höfði hennar var greinilegt skotsár. Hún var mjög máttfarin vegna áverkanna og tíu daga án matar, en vildi greinilega komast inn í húsið. „Hún vildi komast heim til að deyja,“ segir konan. Lögreglan aflífaði svo Lolu þegar eigandi hennar fór með hana aftur niður á lögreglustöð.
 
Lögreglumaðurinn sem um ræðir segist sjálfur eiga dýr og sé miður sín eftir þetta atvik. Í umfjöllun um málið í DV í dag segir sérfræðingur í dýrarétti að það hafi verið siðferðislega rangt af lögreglunni að beita þessari aðferð við aflífun kattarins. Lögreglan verði mögulega kærð vegna atviksins.
 
tekið af www.dv.is

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).