Æfðu torfæruakstur á Eldfelli

17.Október'11 | 08:55
Stefnt er að því að halda torfærukeppni á hrauninu í Vestmannaeyjum næsta sumar, eftir tæplega þrjátíu ára hlé. Torfærumenn könnuðu aðstæður á Eldfelli í Eyjum í gær.
Torfærukeppnir voru haldnar í Vestmannaeyjum árin 1983 og 1984. Á myndum sem Ragnar Kristinsson torfæruáhugamaður tók 1984 sést meðal annarra Þorsteinn Guðjónsson þáverandi Íslandsmeistari aka um hraunið. Svæðið sem keppt var á þá hefur síðan verið notað til sorpurðunar.
 
Magnús Sigurðsson, torfærukeppandi og Eyjamaður, fékk þrjá félaga sína með sér til að kanna aðstæður á nýjum stað á hrauninu. Magnús segir aðstæður lofa góðu, vikurinn á svæðinu sé hentugur þar sem grip sé lítið auk þess sem veltur verði mýkri.
 
Við æfingarnar í gær velti Dagbjartur Jónsson bíl sínum Dýrlingnum. Ökumaður og tæki sluppu vel, vatnshosa var það eina sem gaf sig. Auk Dagbjarts mættu til æfingaleiks Hafsteinn Þorvaldsson á Torfunni og Ingólfur Guðvarðarson, en bíllinn hans hefur mýkra nafn, hann er kallaður Pollabuxurnar.
 
Stefnt er að því að halda torfærukeppni á Eldfelli í Eyjum á goslokahátíð næsta sumar.
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.