Ætla að styrkja hópinn

Denis Sytnik ekki áfram hjá ÍBV

6.Október'11 | 14:32
Úkraínski framherjinn Denis Sytnik mun ekki leika áfram með ÍBV næsta sumar en þetta staðfesti Magnús Gylfason þjálfari liðsins við Fótbolta.net í dag. Sytnik skoraði sex mörk í Pepsi-deildinni í fyrra en í sumar komst hann ekki á blað í tíu leikjum.
 
Líklegt er að samningslausu mennirnir Ian Jeffs, Matt Garner og Yngvi Borgþórsson muni gera nýjan samning við Eyjamenn. Hins vegar er óvíst með enska framherjann Aaron Spear sem skoraði fimm mörk síðari hluta móts eftir að hafa komið til ÍBV í júlí.
 
,,Hann stóð sig vel í lokin og við höfum áhuga á að skoða það að halda honum. Eins og staðan er núna er mjög líklegt að hann spili annars staðar í vetur en það kemur til greina að hann komi aftur næsta sumar," sagði Magnús Gylfason þjálfari Eyjamanna við Fótbolta.net í dag.
 
Eyjamenn hafa fengið leikmenn frá Crewe með góðum árangri undanfarin ár og möguleiki er á að svo verði einnig næsta sumar. Meðal annars er möguleiki á að bakvörðurinn Kelvin Mellor komi aftur til Eyja en hann stóð sig vel með liðinu í sumar áður en hann fór aftur til Englands í ágúst.
 
Magnús segir að Eyjamenn séu einnig að leita að liðsstyrk fyrir næsta tímabil. ,,Við erum að skoða og reyna að leita að mönnum í réttar stöður. Við munum reyna við samningslausa leikmenn þegar það má tala við þá. Við munum reyna við þá og við munum reyna að fá íslenska leikmenn," sagði Magnús.
 
,,Okkur vantar sérstaklega hafsent og senter og síðan erum við líka að skoða unga stráka sem við teljum að séu að verða tilbúnir í úrvalsdeild til að breikka hópinn. Þeir geta leynst í neðri deildum eða hvar sem er."

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%