Yfirlýsing frá Lögreglufélagi Vestmannaeyja

Þetta apparat sem kallað er gerðadómur er handónýtt

27.September'11 | 06:51

Lögreglan,

Lögreglufélag Vestmannaeyja ( LFV ) lýsir yfir miklum vonbrigðum með niðurstöðu gerðardóms frá 23. september sl. og telur þessa niðurstöðu engan vegin í samræmi við þær væntingar sem lögreglumenn gerðu til dómsins.
 
Með þessari niðurstöðu er ríkisvaldið að lýsa því yfir að hægt sé að fara með lögreglumenn eins og þeir vilja og er þá vísað til laga um réttindi og skyldur opinberra starfsmanna, 15. gr., en þar segir: „Skylt er starfsmanni (lögreglumanni ) að hlýða löglegum fyrirskipunum yfirmanna um starf sitt“. Þessi skoðun LFV er staðfest í orðum sem innanríkisráðherra lét falla í fjölmiðlum um helgina, en þau voru eftirfarandi: „hef ég trú á því að lögreglumenn sinni sínum starfsskyldum líkt og þeir hafa gert hingað til“.
 
Það sér hver maður að það er engan vegin ásættanlegt að þurfa að berjast fyrir mannsæmandi launum undir þessum kringumstæðum og eru lögreglumenn orðnir langþreyttir á því að vera ítrekað ýtt aftast í röðina þegar kemur að samningum, enda vita viðsemjendur okkar að við höfum lítil sem engin verkfæri til að þrýsta á um kjör okkar.
 
LFV lýsir yfir vantrausti á oddamann gerðadóms sem greinilega hefur í öllu farið eftir vilja ríkisvaldsins og hundsað að öllu leiti kröfur lögreglumanna. Það er orðið ljóst að þetta apparat sem kallað er gerðadómur er handónýtt.
 
 
Vestmannaeyjum, 26. september, 2011.
 
F.h. LFV,
Tryggvi Kr. Ólafsson, formaður.
 
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.