Ísland dregst aftur úr

21.September'11 | 08:18

VSV vinnslustöðin

„Þegar sjávarútvegurinn veit ekki hve mikið verður af honum tekið þá þorir hann ekki að fjárfesta í endurbótum, uppbyggingu og því sem þarf til að halda greininni við,“ segir Sigurgeir Brynjar Kristgeirsson, Binni, framkvæmdastjóri Vinnslustöðvarinnar hf. í Vestmannaeyjum.
Hann benti á að fjárfesting í sjávarútvegi hefði fallið úr tæplega 8% af tekjum að meðaltali á árunum 2002-2008 niður í 2% af tekjum undanfarin tvö ár. Hann sagði tvær meginástæður fyrir því að sjávarútvegurinn hætti að fjárfesta. Fyrst var það bankahrunið en svo tók við óvissan – um framtíð fiskveiðistjórnunar og um skattlagningu í formi auðlindagjalds.
 
Þetta ylli því að íslenskur sjávarútvegur væri að dragast aftur úr sjávarútvegi í öðrum löndum sem nú væri að fjárfesta og treysta stöðu sína á mörkuðum. Enn sem komið væri hefðu Íslendingar ekki misst markaði sína fyrir sjávarafurðir, en aðrir væru að sækja inn á þá af auknum krafti.
 
„Aðrar fisktegundir og aðrar þjóðir eru að taka af okkar hlut og stöðu á mörkuðunum,“ sagði Binni í Morgunblaðinu í dag. Hann benti á að tekjur sjávarútvegsins hefðu dregist saman í evrum talið.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.