Fauk í mig og ég krækti aftan í hann

segir Brynjar Gauti

20.September'11 | 11:47
„Ég viðurkenni það að þetta var heimskulegt," segir Brynjar Gauti Guðjónsson, miðvörður ÍBV, sem fékk rauða spjaldið eftir aðeins sautján mínútna leik í stórleik ÍBV og KR í Pepsi-deildinni í gær.
 
Brynjar fékk rautt eftir samskipti við Grétar Sigfinn Sigurðarson, varnarmann KR.
Honum fannst þó dómurinn heldur strangur og er svekktur yfir því að hafa ekki fengið aukaspyrnu í aðdraganda atviksins þar sem hann vill meina að Grétar hafi klárlega brotið á sér.
 
„Hann renndi sér í mig og dómarinn hefði átt að dæma aukaspyrnu þá. Svo fauk eitthvað í mig og ég krækti aftan í hann þegar hann stóð upp. Það er ekki hægt að kalla þetta spark," segir Brynjar.
 
„Mér fannst þetta svolítið harður dómur. Ég hef séð það verra og lent í verra inni á fótboltavellinum."
 
Brynjar segist ekki hafa talað við Heimi Hallgrímsson, þjálfara ÍBV, um atvikið. Einum færri komst ÍBV yfir í leiknum og lagðist svo í skotgrafirnar. KR náði að jafna í 1-1 sem urðu lokatölurnar og er Vesturbæjarliðið nú í mjög vænlegri stöðu til að tryggja sér Íslandsmeistaratitilinn.
 
„Þetta var því miður bara rautt spjald. Hann hélt að það væri einhver bakhrinding á mig og þegar ég hleyp til baka þá sparkar hann viljandi í mig, aftan í löppina á mér. Þetta var beint fyrir framan dómarann og hann sá þetta," sagði Grétar Sigfinnur í samtali við Fótbolta.net um atvikið í gær.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.