Stórsókn KR dugði ekki til sigurs í Eyjum

19.September'11 | 21:58
ÍBV og KR skildu jöfn í toppleik Pepsi-deildarinnar í dag. Eyjamenn léku færri nánast allan leikinn en samt komust þeir yfir í leiknum og það KR góðan tíma að jafna metin. Þrátt fyrir þungar sóknir KR í leiknum þá komu ekki fleiri mörk og liðin fengu sitt hvort stigið. KR er því ennþá á toppnum en liðið á leik við Keflavík á fimmtudag og vinni KR leikinn þá nær liðið 4 stiga forskoti á toppnum.
ÍBV 1-0 KR (1-0)
1-0 Aaron Spear 26.mín.
1-1 Kjartan Henry Finnbogason 68.mín.
Rautt spjald: Brynjar Gauti Guðjónsson 16.mín.
 
Leikurinn byrjaði með látum en það voru KR-ingar sem sóttu frá fyrstu mínútu og ætluðu greinilega að ná inn marki snemma í leiknum. Kjartan Henry var öflugur í sókn KR en hann átti góð færi á upphafsmínútunum. Hann komst einn í gegn á 13.mínútu en fast skot hans fór framhjá markinu. Það dró til tíðinda á 16.mínútu en þá var KR í sókn og eftir krafs í vítateig ÍBV þá sparkaði Brynjar Gauti Guðjónsson í Grétar Sigfinn, varnarmann KR, sem var að standa upp. Dómari leiksins rak Brynjar af velli en dómurinn var ansi harður.
 
KR hélt áfram að sækja með látum enda manni yfir í leiknum. En það voru Eyjamenn sem komust yfir í leiknum en þá kom sending fyrir markið og Viktor Bjarki og Hannes Þór virtust hlaupa saman og boltinn fór í markið. Aaron Spear, leikmaður ÍBV, var líka í pakkanum og hann hefur mögulega komið knettinum í markið. Annað hvort hann eða Viktor Bjarki. KR-ingar héldu svo áfram að pressa á mark ÍBV en það vantaði dauðafærin í leikinn og þrátt fyrir að vera meira með boltann þá komu þeir honum ekki í markið. Eyjamenn duttu aftar á völlinn og beittu skyndisóknum. Ekki voru fleiri mörk skoruð í fyrri hálfleik og var staðan 1-0 fyrir heimamenn þegar dómarinn flautaði fyrri hálfleikinn af.
 
KR-ingar héldu áfram að sækja í seinni hálfleik en Eyjamenn tjölduðu í eigin vítateig eins og það væri þjóðhátíð í Dalnum. En KR-ingar áttu erfitt með að skora eða þá að koma sér í almennileg færi. En það kom að því að KR skoraði en það var á 68.mínútu að Kjartan Henry sem skallaði knöttinn í markið eftir sendingu frá hægri kanti. Dofri hafði farið ófáar ferðirnar upp hægri kantinn og það kom að því að boltinn skilaði sér á samherja. KR var meira og minna með boltann í seinni hálfleik en Eyjamenn náðu sínum skyndisóknum. Eyjamenn færðu sig ofar á völlinn eftir markið og það opnaði verulega á leikinn. KR-ingar voru meira með knöttinn en Eyjamenn voru samt alltaf skeinuhættir. Eyjamenn vildu greinilega landa sigri á heimavelli en KR-ingar reyndu hvað þeir gátu til að skora og ná í stigin öll enda manni fleiri á vellinum.
 
En hvorugt lið náði að skora það sem eftir lifði leiks og svo fór að liðin sættust á skiptan hlut. Stigið var stórt fyrir KR sem leikur við Keflavík á fimmtudag og getur KR því náð 4 stiga forskoti með sigri í Keflavík.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.