Er ástæða til að óttast?

Ragnar Óskarsson skrifar

14.September'11 | 12:55

Raggi Óskars, Ragnar óskarsson

Í síðustu viku skrifaði ég stutta grein. Í henni gerði ég grein fyrir þeirri skoðun minni og fjölmargra annarra að íslenska þjóðin þyldi ekki mistök í nýrri lagasetningu um fiskveiðistjórnun. Ég benti þar m.a. á að í nýrri löggjöf þyrfti m.a. nauðsynlega að gæta að þrennu:
 
1. Tryggja þarf varanlegt eignarhald og forræði þjóðarinnar yfir auðlindum hafsins.
2. Tryggja þarf að svokallaðir eigendur sjávarauðlindanna geti ekki tekið milljarða út úr sjávarútveginum og ráðstafað þeim í ýmiss konar gæluverkefni og skilið sjávarútveginn eftir með stórskuldir eins og nú er raunin.
3. Tryggja þarf nýliðun í greininni, að nýir og áhugasamir einstaklingar komist þar að og að komið verði í veg fyrir fáránlegt, ósanngjarnt og ómanneskjulegt leiguliðakerfi.
 
Hér ætla ég að bæta einu atriði við sem vissulega getur skipt sköpum fyrir byggðarlag eins og Vestmanaeyjar. Koma þarf í veg fyrir að einstakir menn eða fyrirtæki geti eins og hendi sé veifað tekið kvótann „sinn“ úr bæjarfélaginu eins og t.d. Vestmannaeyjum og skilið bæjarbúa og samfélag þeirra eftir bjargarlaust.
 
Þeir sem nú tala hæst um samlíkingu við Tyrkjaránið og eldgosið 1973 ættu t.d. að spyrja sig þeirrar spurningar hvað gerðist ef Guðmundur Kristjánsson og félög sem hann hefur á sinni hendi með yfir 30% eignarhald í Vinnslustöðinni vinnur dómsmál sitt gegn Vinnslustöðinni. Hann gæti þá jafnvel á einni nóttu kvatt fyrirtækið og tekur með sér drjúgan hluta kvóta þess. Og hvað gerist ef einhver stóreigandi í Ísfélaginu ákveður að flytjast í burtu frá Eyjum með kvótann „sinn“. Hver yrði þá staða Vestmannaeyja?
 
Ég held að þessar spurningar og fleiri á svipuðum nótum ættu að vekja með okkur meiri ugg en sanngjarnar hugmyndir um að breyta fiskveiðistjórnunarkerfinu til hagsbóta fyrir heildina í stað eiginhagsmuna fárra einstaklinga sem fram til þessa hafa fengið að leika sér með sjávarauðlindirnar að vild sinni. Fróðlegt væri að reiknimeistarar Vestmannaeyjabæjar reiknuðu út þessa hlið á Vinnslustöðvar- og Ísfélagsdæminu. Hve mörg störf legðust niður og hve mikið fækkaði fólki í Eyjum. Síðan mætti bera niðurstöðurnar saman við Tyrkjarán og eldgos.
Ragnar Óskarsson
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).