Ró yfir Kötlu í nótt

7.September'11 | 07:57

eldgos tói vídó

Lítið var um jarðskjálfta í Mýrdalsjökli í nótt eftir óróa síðustu daga. Um sjö smáskjálftar sjást á mælum veðurstofunnar en í gær voru þeir á þriðja tug. Magnús Tumi Guðmundsson, jarðeðlisfræðingur, flaug yfir Kötlu í gærkvöldi ásamt vísindamönnum, sérfræðingum frá Veðurstofu Íslands og fulltrúa frá Almannavörnum.
Í samtali við fréttastofu að loknu flugi sagði Magnús að greinileg aukning sé í jarðhita undir jöklinum og að Katla sýni nú ýmis merki sem túlka megi sem langtíma undanfara eldgoss. Veruleg aukning hefur orðið í jarðskjálftavirkni á svæðinu í sumar og merki eru um útþenslu á litlu dýpi. Magnús segir að það séu dæmigerðir langtíma forboðar eldgoss en það þýði ekki endilega að þessi þróun endi með eldgosi á næstunni.
 
Slíkir forboðar eru að hans sögn mun algengari en sjálf eldgosin, því atburðarásin lognast stundum útaf án þess að leiða til goss. Engu að síður þurfi að fylgjast vel með svæðinu.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.