Tvö mörk Tryggva í sigri ÍBV á Víkingum

30.Ágúst'11 | 07:51
Víkingur tók á móti ÍBV í 17. umferð Pepsi-deildar karla í Víkinni. Liðin voru á hvort á sínum enda töflunnar og stigin þrjú því mikilvæg fyrir bæði lið. Leiknum lauk með góðum sigri ÍBV, lokatölur 3-1, þar sem Tryggvi Guðmundsson færðist nær markameti Íslandsmótsins.
Víkingur 1-3 ÍBV (0-2)
0-1 Tryggvi Guðmundsson 7. mín. (víti)
0-2 Tryggvi Guðmundsson 40. mín.
0-3 Ian Jeffs 74. mín.
1-3 Sigurður Egill Lárusson 91. mín.
 
Leikurinn byrjaði fjörlega fyrir ÍBV en með matröð fyrir Víkinga. Í fyrstu sókn Eyja liðsins var Tryggva Guðmundssyni brugðið alveg við endalínu markteigssins og Magnús Þórisson dæmdi víti. Dómurinn var í besta falli kolrangur þar sem Tryggvi viðurkenndi fyrir ljósmyndara Sport.is með því að segja að, „þetta var aldrei víti“. Tryggvi steig sjálfur á punktinn og skoraði. Draumabyrjun gestanna. Eftir markið komust Víkingar meira í takt og bæði Helgi Sigurðsson og Björgólfur Takefusa fengu góð færi sem Albert Sævarsson varði vel. Eyjamenn beittu skyndisóknum sem skapaði hálffæri en þó ekkert sem hætta var af. Víkingar virtust ekki af baki dottnir og virkuðu sprækir og trúin á mark var til staðar. Eyjamenn virkuðu fullrólegir og virtust bíða eftir að næsti maður byggi til færin, eitthvað sem virkar aldrei vel.
 
ÍBV komst í 2-0 með hinu marktækifærinu sínu í fyrri hálfleik, Þórarinn Valdimarsson vippaði inn fyrir Víkingsvörnina og Tryggvi Guðmundsson sá um afganginn. Hreint ótrúleg staða þar sem Víkingar voru síst lakari aðilinn en nýttu bara ekki sín tækifæri. Eyjamenn höfðu fengið tvö almennileg marktækifæri og nýtt bæði. Fótbolti snýst um að skora mörk og það höfðu Víkingar verið rækilega minntir á í leiknum. Staðan í hálfleik var 2-0 fyrir ÍBV í annars jöfnum leik þar Eyjamenn nýttu færin sín.
 
Eyjamenn voru sterkari í seinni hálfleik, sér i lagi fyrstu tuttugu mínútur hálfleiksins. Þórarinn Valdimarsson og Tryggvi Guðmundsson voru sterkir frammi hjá ÍBV og gæðamunurinn á liðunum kom í ljós. ÍBV hafði leikinn alveg í höndum sér og mark hjá Víkingum var ekki í sjónmáli. Það vantaði gæði í sóknarleik Víkinga eins og á mörgum stundum fyrr í sumar. Eyjamenn gerðu út um leikinn stundarfjórungi rúmum fyrir lok hans. Falleg sókn liðsins byrjaði með reitaspili sem sendi Þórarinn Valdimarsson upp vinstri kant, hann sendi inn á markteiginn þar sem Tryggvi Guðmundsson tók við knettinum og sendi fallega hælsendingu á miðjan teiginn þar sem Ian Jeffs var einn og setti knöttinn efst í markhornið fjær. Fallegt mark að öllu leyti, og staðan sanngjörn. ÍBV hafði yfirburði í seinni hálfleik. Eftir þriðja markið gáfust heimamenn upp, Eyjamenn settu í þriðja gír og sigldi sigrinum heim. Sigurður Egill Lárusson skoraði sárabótamark fyrir Víking á 91. mínútu en nær komust heimamenn ekki. Skemmst er frá því að segja að ÍBV vann þægilegan 3-1 sigur á Víkingum í Víkinni.
 
Það sem réði úrslitum: ÍBV nýtti færin sín
Eyjamenn sýndu Víkingum hvernig á að nýta marktækifæri í leiknum. Sóknarleikur liðsins var einfaldlega frábær í dag.
 
Maður leiksins: Tryggvi Guðmundsson, ÍBV
2 mörk, 1 stoðsending og Tryggvi var allt í öllu í sóknarleik liðsins, hreint frábær í dag.
 
Tölfræði:
 
Víkingur:
Markskot: 2 skot – þar af 1 á markið
Hornspyrnur: 2
 
ÍBV:
Markskot: 9 skot – þar af 6 á markið
Hornspyrnur: 4

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.