Kristín Erna Sigurlásdóttir er besti leikmaður 14. umferðar á Fótbolta.net

25.Ágúst'11 | 11:15
Eyjapæjan Kristín Erna Sigurlásdóttir er besti leikmaður 14. umferðar á Fótbolta.net en hún átti frábæran leik og skoraði mark þegar ÍBV sigraði KR 4-0.
 
„Ég var nokkuð sátt með mína frammistöðu í leiknum. Leikmenn í kringum mig voru líka að spila vel og það hjálpar auðvitað", sagði Kristín Erna aðspurð um eigin frammistöðu í leiknum.
 
„Í fyrri hálfleik fannst mér við ekki halda boltanum nógu vel og vorum frekar að senda þessar löngu sendingar. Í seinni hálfleik létum við boltann ganga á milli okkar og héldum honum niðri. Þá gekk eiginlega allt upp sem við vorum að reyna," sagði Kristín Erna um leikinn sem ÍBV vann 4-0 eftir að hafa leitt 1-0 í hálfleik með marki frá Kristínu Ernu.
 
Nýliðar ÍBV hafa komið mörgum á óvart í sumar og sitja nú í 3. sæti deildarinnar. Kristín Erna segist þó hafa búist við góðum árangri fyrir tímabilið og vill komast enn ofar í deildinni.
 
„Við fengum náttúrulega sterka leikmenn til okkar fyrir tímabilið og vorum með góðan hóp fyrir þannig þetta kom kannski ekkert rosalega á óvart. En við erum kannski aðeins ofar á töflunni heldur en ég bjóst við."
 
„Við viljum auðvitað alltaf komast hærra. Við mætum bara í alla leiki sem eftir eru til þess að vinna og vonast kannski til að hin liðin misstígi sig."
 
Bæði karla og kvennalið ÍBV eru í toppbaráttu í efstu deildunum og aðspurð segir Kristín Erna fótboltastemninguna í Vestmannaeyjum vera mjög góða.
 
„Vestmannaeyjar eru mikill íþróttabær og það er alltaf góð stemning og ennþá betri þegar vel gengur. Við finnum fyrir miklum stuðningi utanvallar og fólk hefur mikinn áhuga á gengi liðanna."
 
Við spurðum Kristínu Ernu að lokum út í næsta leik ÍBV en á morgun fá eyjastúlkur efsta lið deildarinnar, Stjörnuna, í heimsókn.
 
„Við förum í þennan leik eins og alla aðra leiki. Ég tel að við getum unnið öll liðin í deildinni, þannig að þetta er ekkert meiri hindrun," sagði Kristín Erna Sigurlásdóttir, besti leikmaður 14. umferðar, að lokum við Fótbolta.net.
 
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%