Þungbært að sitja undir þeirri gagnrýni að stjórnast af gróðasjónarmiðum og styðja nauðgunarmenningu

Yfirlísing frá Páli Scheving Ingvarssyni formanni Þjóðhátíðarnefndar

5.Ágúst'11 | 09:14
Þjóðhátíð 2011 er lokið. Tvö atriði standa upp úr. Góð og vond. Framkvæmd 14.000 manna hátíðar gengur mjög vel þrátt fyrir erfið veðurskilyrði, glæsilegri dagsskrá er vel skilað í nýrri umgjörð, það er jákvæða hliðin. Sú neikvæða er að meðal gesta á hátíðinni leynast fársjúkir einstaklingar. Einstaklingar sem gera fólskulega árás á saklausa gesti. Árás sem opnar djúpt sár og skilur eftir ljótt ör á sálinni. Ófyrirgefanlegt. Þolendum og aðstandendum votta ég mína dýpstu samúð.
Milli átta og níuhundruð Vestmannaeyingar auk ríflega tvöhundruð einstaklinga af fastalandinu komu að undirbúningi og framkvæmd Þjóðhátíðar 2011. Ég vil nota þetta tækifæri og þakka öllu þessu góða fólki fyrir frábært starf. Og minna á það í leiðinni að útilokað er að færa ábyrgð þeirra voðaverka sem framin voru í Herjólfsdal á heiðarlega, harðduglega og heilbrigða starfsmenn hátíðarinnar. Gerandinn skal bera ábyrgðina.
 
Umræða og heilbrigð gagnrýni hjálpar og á fullan rétt á sér. Það er undirrituðum hins vegar þungbært að sitja undir þeirri gagnrýni að hann stjórnist af gróðasjónarmiðum, styðji nauðgunarmenningu og sé skjól fyrir kynferðisbrotamenn, jafnvel framsett af fagaðilum. Vanþekkingin verður ekki betur auglýst. Í þessu sambandi vil ég minna alla Íslendinga á að Þjóðhátíð Vestmannaeyja er fjölskylduhátíð samfélagsins sem haldin hefur verið samfleitt frá árinu 1874. Eyjamenn leiða dætur sínar í Herjólfsdal. Þeir eru ekki að leiða þær í gin ljónsins. Allt kapp er lagt á að tryggja öryggi gesta. Öryggisþátturinn er í stöðugri þróun og endurskoðun. Að halda því fram Eyjamenn velji til að stjórna hátíðinni, menn sem stjórnist af gróðasjónarmiðum, styðji nauðgunarmenningu og eru skjól fyrir kynferðisbrotamenn, er óráðshjal. Það er niðurlægjandi fyrir Vestmannaeyinga að sitja undir jafn ömurlegu froðusnakki.

Virðingarfyllst
Páll Scheving Ingvarsson
Formaður Þjóðhátíðarnefndar
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.