Landeyjahöfn hugsanlega lokuð næstkomandi vetur

5.Júlí'11 | 07:57
Rætt er um að loka Landeyjahöfn næsta vetur vegna óvissu um aðstæður. Ákveðið var að stofna samstarfshóp til að meta aðstæður. Innanríkisráðherra ítrekar að engar ákvarðanir hafi enn verið teknar í málinu.
Rætt hefur verið um að loka alfarið fyrir siglingar Herjólfs um Landeyjahöfn í nokkra mánuði næsta vetur vegna óvissu um aðstæður. Í maí síðastliðnum var settur á laggirnar samstarfshópur á vegum innanríkisráðuneytisins, Siglingastofnunar, Vegagerðarinnar, Eimskips og Vestmannaeyjabæjar til að meta aðstæður í höfninni og setja saman aðgerðaáætlun ef til þess kæmi að loka fyrir siglingar um hana næsta vetur.
 
Ögmundur Jónasson innanríkisráðherra ítrekar að engar ákvarðanir hafi verið teknar um að loka höfninni yfir veturinn. "Samstarfshópurinn mun miðla upp lýsingum sín á milli og veita mér
reglulegar upplýsingar með skipulögðum hætti," segir Ögmundur. "Það er ekki svo að málið sé í einhverri upplausn, nema síður sé."
 
Ráðherra bendir á þær óviðráðanlegu aðstæður sem hafa valdið því að Herjólfur hefur ekki náð að sigla sem skyldi um Landeyjahöfn, en hún var lokuð
 
frá 14. janúar síðastliðnum, til 4. maí. Það gerir um sautján vikur. "Við verðum að greina á milli þess sem við ráðum við og þess sem við ráðum illa við," segir Ögmundur.
 
Samkvæmt heimildum Fréttablaðsins er sterkur vilji hjá Eimskipi, sem á og rekur Herjólf, til að loka höfninni um tíma. Verið er að skoða að hafa hana opna fram í desember eða janúar en loka svo í nokkra mánuði og sigla þá frá Þorlákshöfn.
 
Guðmundur Nikulásson, framkvæmdastjóri innanlandssviðs Eimskips, staðfestir að lokun hafnarinnar næsta vetur hafi verið rædd. "Samstarfshópurinn
 
þarf að meta þetta og koma með tillögur," segir hann. "Það er þó enginn búinn að leggja fram beinar tillögur um lokun."
 
Elliði Vignisson, bæjarstjóri í Vestmannaeyjum, segir það hugsanlegt að Herjólfur geti ekki þjónustað höfnina nema hluta úr ári, eins og komið hefur í ljós frá því að hún opnaði. "En hins vegar liggur það fyrir að Landeyjahöfn verður að þjónusta samfélagið í Vestmannaeyjum í tólf mánuði á ári."
 
Samkvæmt upplýsingum frá Siglingastofnun hafa framkvæmdir við Landeyjahöfn kostað tæpa fjóra milljarða króna.
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.