ATHUGIÐ!!

Töluverð vandræði við að ferja fólk á milli

3.Júlí'11 | 15:32

Herjólfur

Vegna veðurs og ölduhæðar voru 11.30 ferðin frá Vestmannaeyjum og 13:00 ferðin frá Landeyjahöfn felldar niður. Miðar í 13:00 ferðina gilda nú í 16:00 ferðina frá Landeyjum. Viðskiptavinir eru beðnir afsökunar á þeim óþægindum sem þessi röskun á ferðum Herjólfs hefur haft í för með sér.
 
Töluverð vandræði hafa verið við að ferja fólk á milli lands og eyja eftir þrítugustu og áttundu Goslokahátíðina. Það fór að hvessa aftur um sjöleytið í morgun og þokuslæða búin að lúra yfir fjöllunum. Flugfélagið Ernir hefur náð að fljúga allar sínar ferðir enn sem komið er.
 
Seinnipartinn var svo gefið út að slæm skilyrði hafa verið til siglinga Herjólfs í Landeyjahöfn í allan dag. Vindur hefur farið allt upp í 22 m/s í hviðum, ölduhæð allt að 2,6 m á Bakkafjöruduflum og sjólag í hafnarkjaftinum hefur verið slæmt auk þess sem Vesturfallið (sjávarstraumurinn meðfram ströndinni) er með mesta móti.
 
Herjólfur hefur náð því að fara 2 ferðir í dag en því miður hefur þurft að fella niður 2 ferðir vegna veðurs og sjólags í mynni hafnarinnar. Skipstjóri og stjórnendur Herjólfs fylgjast vel með veðrinu og hafa verið í sambandi við Veðurstofuna sem telur ekki öruggt að veðrið gangi niður fyrr en í nótt.
 
Ef skilyrði batna þegar kemur fram á kvöldið mun Herjólfur reyna að sigla 2 ferðir út daginn. Þeir farþegar sem áttu bókað far með skipinu frá Vestmannaeyjum kl.17:30 eru beðnir um að fylgjast vel með fréttum á www.herjolfur.is eða á Facebooksíðu Herjólfs.
 
ATHUGIÐ! Miðar í 19:00 ferðina gilda nú í 22:00 ferðina frá Landeyjahöfn.
 
 
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).