ÍBV áfram í 8 liða úrslitum bikarsins

Meistaraflokkur karla áfram í bikarnum

3.Júlí'11 | 19:43
Eyjamenn eru komnir áfram í Valitor-bikarnum eftir 2-1 sigur á Fjölni en aðstæður til knattspyrnu iðkunnar voru erfiðar. Mikið ringdi og blés þá hraustlega á köflum.
Fyrri hálfleikurinn var afar bragðdaufur en Eyjamenn náðu ekki að sýna sitt rétta andlit þar. Fjölnismenn lokuðu vel á þá en Gunnar Valur Gunnarsson og Bergsveinn Ólafsson áttu góðan leik í miðverðinum.
 
Það var síðasta korterið sem gerði leikinn skemmtilegan en á 76. mínútu skoraði Bryan Hughes úr vítaspyrnu. Dennis Sytnik sem hafði komið inná féll í teignum eftir viðskipti við Gunnar Val en vítaspyrnudómur var afar harður dómur. Hughes steig á punktinn og gerði enginn mistök þegar hann setti boltann framhjá Hrafni Davíðssyni markverði Fjölnis.
 
Adam var ekki lengi í paradís því Gunnar Valur náði að jafna fyrir Fjölni með laglegu skallamarki eftir hornspyrnu fimm mínútum síðar.
 
Mikið fjör var í leiknum þarna en Brynjar Gauti Guðjónsson var hetja Eyjamenna er hann skoraði sigurmarkið fimm mínútum fyrir leikslok. Brynjar hefur lítið fengið að spila í sumar en hann var afar góður í leiknum.
 
Eyjamenn eru komnir áfram í undanúrslit og gæti liðið fengið heimaleik fimmtudeginum fyrir þjóðhátíð.
 
Fjölnir 1 - 2 ÍBV:
0-1 Bryan Hughes (76) (Vítaspyrna)
1-1 Gunnar Valur Gunnarsson (81)
1-2 Brynjar Gauti Guðjónsson (85)
 
Maður leiksins: Brynjar Gauti Guðjónsson (ÍBV)
 
 
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.