Út í óvissuna á Íslandi

29.Júní'11 | 08:49
Pete Mahon, þjálfari írska knattspyrnuliðsins St. Patrick's Athletic, segir að hann viti mest lítið um Eyjamenn, andstæðinga sína í forkeppni Evrópudeildar UEFA, en liðin mætast á Vodafonevellinum að Hlíðarenda á fimmtudagskvöldið klukkan 18.00.
St. Patrick's hefur átt góðu gengi að fagna heima fyrir og í Evrópukeppni á undanförnum árum. Liðið komst í toppsæti írsku úrvalsdeildarinnar um síðustu helgi og fyrir tveimur árum komst það í fjórðu umferð Evrópudeildarinnar eftir að hafa m.a. slegið út Krylya Samara frá Rússlandi. Írarnir töpuðu að lokum fyrir Steaua Búkarest í úrslitaleikjum um sæti í riðlakeppninni.
 
Írska liðið kom til Íslands í dag en Pete Mahon þjálfari sagði í viðtali á vef félagsins að ekki hefði verið æft á Íslandi í kvöld.
 
„Við vorum á erfiðri æfingu í gærkvöld og eftir ferðalagið í dag var ákveðið að æfa ekki í kvöld. Leikmennirni fara í sund og sána til að jafna sig eftir ferðalagið og svo æfum við klukkan sex á morgun," sagði Mahon.
 
„Það er búið að vera mjög erfitt að skipuleggja þessa ferð vegna þess hve fyrirvarinn var stuttur en það hefur gengið upp. Við erum á leið út í óvissuna sem stendur en þegar kemur að æfingunni á morgun ættum við að vita meira út í hvað við erum að fara.
 
Okkur tókst í kvöld að fá fund með manni sem veit talsvert um ÍBV og við munum skoða nokkur myndbönd til að átta okkur á hvernig liðið spilað. Þá hefur Brian Kerr (landsliðsþjálfari Færeyja) útvegað okkur upplýsingar um þá og við munum búa okkur eins vel undir leikinn og við getum," sagði Mahon.
 
Írarnir leggja mikið uppúr því að komast áfram í keppninni. „Ég hlakka mikið til og vonast fyrst og fremst eftir góðum úrslitum. Aðalmálið er að eiga áfram góða möguleika eftir fyrri leikinn, og fá síðan góða aðsókn á heimaleikinn okkar þar sem við tryggjum okkur vonandi sæti í næstu umferð," sagði Pete Mahon.
 
Liðin mætast aftur í Dublin 7. júlí en sigurliðið mætir annaðhvort Koper frá Slóveníu eða Shakhter Karagandy frá Kasakstan í 2. umferð.
 
Fram kemur í írskum fjölmiðlum að St. Patrick's hafi þurft að hætta við að senda mann til að skoða ÍBV í leiknum við Stjörnuna síðasta föstudagskvöld. Það hafi staðið til en þegar Írarnir hafi komist að því að eftir flug til Íslands þyrftu þeir að keyra í þrjá tíma og fara svo með ferju til að komast á leikinn í Vestmannaeyjum, hafi verið ákveðið að hætta við Íslandsförina.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is