Dagbók lögreglunar

Fjórar kærur vegna brota á umferðarlögum liggja fyrir eftir vikuna

Helstu verkefni frá 20. til 27. júní 2011

27.Júní'11 | 11:40

Lögreglan,

Það var í ýmsu að snúast í vikunni sem leið enda fjöldi fólks í bænum. Þrátt fyrir fólksfjölda fór allt ágætlega fram og engin teljandi vandræði sem upp komu. Rólegt var í kringum skemmtistaði bæjarins um helgina en eitthvað var þó um að lögreglan þurfti að hafa afskipti af fólki sökum ölvunarástands þess.
Einn þjófnaður var tilkynntur til lögreglu í vikunni sem leið en um var að ræða þjófnað úr bifreið sem stóð við Vilberg-kökuhús aðfaranótt 24. júní sl. Hafði íþróttataska sem var í bifreiðinni verið tekin út úr bifreiðinni og hún tæmd fyrir utan bifreiðina. Stolið var um 16.000 til 17.000 krónum sem voru í töskunni. Ekki er vitað hver eða hverjir þarna voru að verki en þeir sem telja sig geta gefið upplýsingar um þá eru beðnir um að hafa samband við lögreglu.
 
Þrjú umferðaróhöpp voru tilkynnt til lögreglu í sl. viku en í tveimur tilvikum var um minniháttar óhöpp að ræða og engin slys á fólki. Í þriðja tilvikinu var barn á reiðhjóli fyrir bifreið á Bárustíg og var barnið flutt á Heilbrigðisstofnun Vestmannaeyja til skoðunar. Barnið reyndist ekki alvarlega slasað, einungis með skrámur.
 
Fjórar kærur vegna brota á umferðarlögum liggja fyrir eftir vikuna en um er að ræða brot á biðskyldu, ólöglega lagningu ökutækis, vanrækslu á að greiða lögboðnar tryggingar af ökutæki og afklippingu skráningamerkis af ökutæki vegna vanrækslu á að færa ökutæki til endurskoðunar.
 
Þar sem Goslokahelgin er um næstu helgi vill lögreglan minna foreldra á að fara eftir útivistareglum en þær eru í gildi alla daga ársins.
Frá 1. maí mega 12 ára börn og yngri vera úti til klukkan 22.00. 13 til 16 ára unglingar mega vera úti til klukkan 24.00. Börn mega ekki vera á almannafæri utan fyrrgreinds tíma nema í fylgd með fullorðnum. Bregða má út af reglunum fyrir síðartalda hópinn þegar unglingar eru á heimleið frá viðurkenndri skóla-, íþrótta- eða æskulýðssamkomu. Aldur miðast við fæðingarár.
 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.