Dramatískur sigur á Stjörnunni

25.Júní'11 | 08:54
Eyjamenn unnu Stjörnuna í Eyjum í gærkvöldi í afar dramatískum leik þar sem Stjarnan klikkaði á vítaspyrnu en Eyjamenn nýttu sína.
Eyjamenn voru miklu betri aðili leiksins í fyrri hálfleik og náðu forystu á 24. mínútu leiksins er Ian Jeffs skallaði boltann í netið.
 
Guðmundur Þórarinsson gaf fyrir frá vinstri kanti þar sem Tryggvi Guðmundsson flikkaði boltanum áfram á fjærstöng þar sem Jeffs skallaði boltann efst upp í hornið.
 
Hvorugt liðið náði að skora eftir þetta en Eyjamenn voru sterkari aðilinn.
 
Leikmenn Stjörnunnar mættu grimmari til leiks í síðari hálfleik og settu pressu á Eyjamenn og það bar árangur á 66. mínútu. Halldór Orri Björnsson fékk þá vítaspyrnu er brotið var á honum.
 
Halldór steig sjálfur á punktinn en Abel Dhaira varði vítið glæsilega vel út við stöng.
 
Átta mínútum síðar náði Garðar Jóhannsson að jafna leikinn, hann fékk boltann á hægri kanti og skaut að marki á nærstöng og enginn hætta virtist á ferðum fyrr en Abel missti boltann í netið.
 
Eftir jöfnunarmark Stjörnunnar náðu Eyjamenn aftur tökunum á leiknum og á 86. mínútu leiksins átti sér stað umdeilt atvik. Andri Ólafsson hljóp þá á eftir boltanum sem var á leið út úr teignum. Tryggvi Bjarnason hljóp á eftir honum og rakst aftan í hæla Andra sem satt.
 
Erlendur Eiríksson dæmi vítaspyrnu við litla hrifningu Stjörnumanna. Andri steig svo sjálfur á punktinn og gerði enginn mistök er hann setti Ingvar Jónsson í vitlaust horn.
 
Eftir markið náðu Eyjamenn að halda fengnum hlut og hirtu stigin þrjú og eru komnir með sextán stig.
 
Besti maður vallarins var Finnur Ólafsson en hann stjórnaði spili Eyjamanna og vann vel fyrir liðið varnarlega. Þá hljóp Tryggvi Guðmundsson allan leikinn og skilaði sínu.
 
Hjá Stjörnunni var Garðar Jóhannsson góður og mikill kraftur var í Daníel Laxdal.
 
Maður leiksins: Finnur Ólafsson (ÍBV)
Dómari: Erlendur Eiríksson
Áhorfendur: 1006.
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.