Ufsaskalli Invitational 2011

Sigurður Bragason og Björn Matthíasson sigruðu skemmtilegasta golfmót ársins

21.Júní'11 | 13:24

golf, ufsaskalli, ufsi, valtyr, siggi braga, gunnar geir, bjössi matt, Vídó

Síðasta laugardag fór fram líklega eitt alskemmtilegasta golfmót ársins eða þótti hið minnsta öllum þátttakendum sem tóku þátt í golfmótinu. Mótið sem umræðir er Ufsaskalli Invitational sem er orðið árlegt golfmót en móthaldari og eigandi mótsins er enginn annar en Valtýr „Ufsi“ Auðbergsson.
Í ár voru þátttakendur um 40 og komust færri að en vildu og greinilegt að móthaldarar þurfa að skoða leiðir til að stækka mótið enn frekar að ári. Spilað er eftir Texas scrample fyrirkomulaginu og spiluðu saman einn kylfingur með lága forgjöf og einn með háa og spilaðar voru fyrstu 9 holur golfvallarins.
 
Þegar allir kylfingar höfðu skilað sér í hús þá kom í ljós að tvö holl væru jöfn og þurfti því að skella upp bráðabana og 18 holan spiluð til úrslita. Í úrslitum voru saman Sigurður Bragason og Björn Matthíasson og í hinu hollinu voru þeir Gunnar Geir Gústafsson og Kjartan Vídó. Eftir æsispennandi bráðabana þá sigruðu Sigurður Bragason og Björn Mattíasson Ufsaskalla Invitational 2011.
 
Úrslit mótsins urði eftirfarandi:
1.sætið: Sigurður Bragason – Björn Mattíasson
2.sætið: Gunnar Geir Gústafsson – Kjartan Vídó
3.sætið: Karl Haraldsson – Arnþór Henrýsson
Nándarverðlaun:
2 hola: Karl Haraldsson
7 hola: Helgi Bragason en hann gaf bróðir sínum verðlaunin þar sem að stutt var á milli þeirra.
 
Eyjar.net heyrði í móthöldurunum Valtý Auðbergssyni og Kristjáni Georgssyni og voru þeir mjög ánægðir með mótið. Sögðu þeir að færri hafi komist að í ár enda eftirsótt að taka þátt í Ufsaskalla mótinu. Á næsta ári þyrfti að skoða leiðir til að stækka mótið enn meira en klárlega eitt skemmtilegasta golfmót ársins á Íslandi og þó víðar væri leitar. Allur ágóði mótsins rennur til Íþróttafélagsins Ægis og fær félagið afhent á næstunni dágóða upphæð sem safnaðist á mótinu og í uppboði á lokahófinu um kvöldið.
 
Styrktaraðilar mótsins eru eftirfarandi:
BK-Gler , Síminn, Einsi Kaldi, Vaðvíkurbræður Arnþór og Sveinn Henrýssynir, Axel Ó, Robbi Gucci ,Hole in One, RibSafari, Flugfélagið Ernir, Ellingsen, Askja, Golfplanet.net ,Eyjar.net, Karl Haraldssom, Helgi Braga og Golfklúbbur Vestmanneyja , Kaffi Kró, Tói og Diddi Vídó og sérstakar þakkir til Þóarinns Inga Valdimarssonar.
 
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).