Lundi og lundaveiði

Gunnlaugur Grettisson skrifar

16.Júní'11 | 09:21
Í gær ákvað Umhverfis- og skipulagsráð á fundi sýnum að heimila ekki lundaveiði í Vestmannaeyjum fyrir árið 2011. Þetta var erfið ákvörðun og þó ekki. Ákvörðunin var erfið fyrir þær sakir að lundinn og lundaveiðin er samgróin sögu og menningu Eyjanna. Ákvörðununi var auðveld þar sem engum dylst að ástand stofnsins hér hefur verið mjög slæmt og varp misfarist nokkur sl. ár. Því miður er ekki útlit fyrir annað en að svo verði einnig í ár. Ákvörðun var tekin að mjög vel ígrunduðu máli og eftir samtöl við fjölmarga sérsfræðina bæði úr hópi lundaveiðimanna sem og fræðimanna.
Þeir sem fyrstir urðu varir við að ekki var allt sem skyldi voru bjargveiðimennirnir sjálfir. Þeir hafa langflestir undanfarin ár sýnt málinu mikinn skilning og með orðum sínum og gjörðum sýnt eftirtektarvert frumkvæði. Fræðimenn á mörgum sviðum hafa einnig verið duglegir við að rannsaka stofnin og m.a. farið í langar ferðir yfir á Norðurey til að gera samanburðarrannsóknir. Allt eru þetta upplýsingar nýttust okkur við að komast að niðurstöðu. Ég taldi reyndar að síðustu gagnrýnisraddirnar á styttingur veiðitímabilsins hefðu hljóðnað í fyrra en því miður eru enn á ferðinni aðilar sem telja sig vita betur en aðrir og þannig verður það líklega áfram.
 
Þegar veiðitímabilið var sem lengst var það 55 dagar en var komið niður í 5 daga árið 2010. Þá gegnu langflestir bjargveiðimenn enn lengra og fóru einfaldlega ekki til veiða. Sú hugmynd var uppi nú að hafa veiðitímabilið t.d. 24 eða 18 klukkustudir og beina þeim vinsamlegu tilmælum til bjargveiðimanna að þeir færu ekki til veiða. Ég bar þá hugmund undir fundarmenn á fundi um lundastofnin sem Þekkingarsetur Vestmannaeyja stóð fyrir ásamt Náttúrustofu Suðurlands og Hafró. Mín rök á þeim tíma voru að með því væri hægt að sjá betur ástand stofnsins þ.e. með rannsóknum á þeim fuglum sem veiddir yrðu. Fræðimenn bentu á að þær upplýsingar yrðu fengnar með öðrum hætti og því trúi ég. Það var svo mat okkar að það að hafa veiðitímabilið t.d. eina helgi fælist viss hætta og því ákváðum við að ganga alla leið og setja bann við lundaveiði í Vestmannaeyjum árið 2011. Eins og áður segir þá var þetta bæði erfið ákvörðun og létt en hún hefur verið tekin og allir sem að henni koma í ráðinu og bæjarstjórn eru samstíga í málinu.

Það er okkar von að stofninn nái fljótt fyrir styrk og að hægt verði að heimila aftur veiðar á komandi árum en tíminn einn mun leiða það í ljós. Það sem er alveg klárt er að forræði er bæjaryfirvalda og með þessu skrefi nú höfum við reynt að sýna ábyrga afstöðu og vonumst til þess að fólk sýni því skilning og það sem meira er sýni lundanum virðingu og láti hann njóta vafans, það höfum við gert og munum gera.

Gunnlaugur Grettisson,
formaður Umhverfis- og skipulagsráðs Vestmannaeyja
 
 
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is