Eflum íþróttaanda þjóðarinnar á erfiðum tímum

Hannes Kristinn Eiríksson skrifar

14.Júní'11 | 20:01
Ísland landið okkar fagra má muna sinn fífil fegurri og flest horfum við til baka og viljum fá Ísland eins og það var þegar Davíð var við völd. Það var góður tími og allt lék í lindi og Ísland blómstraði sem aldrei fyrr.
Síðan fór að bera á slæmum fréttum af fjármálamarkaðinum og dökk ský færðust yfir Íslensku þjóðina og neikvæðar fréttir voru aðalfréttirnar kvöld eftir kvöld. Ástandið fór að setjast á sálina á þjóðinni og skeifa fór að færast yfir áður glöð andlit fólksins í landinu. Við hættum að brosa og urðum tortryggileg út í náungann og góður árangur var stimplaður sem hugsanlegt svik eða undanskot. Allir þeir sem
sköruðu fram úr eftir 2007 hafa verið litnir hornauga og meðalmennskan er rétta normið í dag. Þessi verðum við að breyta!!
 
Snúum vörn í sókn!!
Nú er svo komið að við getum ekki boðið sjálfum okkur upp á núverandi ástand mikið lengur. Við erum komin niður á botn og nú skulum við sem þjóð spyrna í botninn og koma okkur upp á yfirborðið á ný. Þetta getum við auðveldlega og ég tel að með samstilltu áttaki þá stoppar ekkert Íslensku þjóðina. Þjóðin sem þekkt er fyrir baráttu og að gefast aldrei upp þó að á móti blási. Þjóðin hefur áður staðið í öldukantinum og barist við náttúruöflin og ekkert endilega haft sigur en samt aldrei gefist upp.
 
Jákvæð íhugun í stað neikvæðni
Ég tel að við eigum að nota sálfræði Ólafs Stefánssonar fyrirliða Íslenska landsliðsins í handbolta og sjá fyrir okkur góðan árangur. Lokum augunum og sjáum hið jákvæða og fallega í nágrannanum, vinnufélaganum og já jafnvel pólitískum andstæðingum. Ef að við setjum okkur öll það markmið að árið 2012 verði Íslandi gott þá náum við því með því að stilla saman hugi þjóðarinn og setja þjóðinni sameiginlegt markmið. Mitt markmið fyrir 2012 er að ég ætla að leggja landinu lið eins mikið og ég mögulega get með því að hugleiða og sjá fyrir gott ár og góðan árangur.

Nú skora ég á þig að gera slíkt hið sama því saman náum við árangri sem aldrei fyrr!!
 
Hannes Kristinn Eiríksson
Körfuboltaþjálfari
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).