Árleg fjárfesting var um tíu milljarðar

8.Júní'11 | 08:11

Kap ve VSV

Fjárfesting í sjávarútvegi var um níutíu milljarðar króna frá 2001 fram til ársins 2009, að sögn Sigurgeirs Brynjars Kristgeirssonar, framkvæmdastjóra Vinnslustöðvarinnar í Vestmannaeyjum. Hann hafnar alfarið fullyrðingu Ólínu Þorvarðardóttur, þingmanns Samfylkingarinnar og varaformanns sjávarútvegs- og landbúnaðarnefndar Alþingis, um að fjárfesting í sjávarútvegi hafi nánast engin verið um langt árabil.
 
Ólína fullyrti þetta í Fréttablaðinu í fyrradag og sagði gagnrýnendur á frumvarp um breytingar á fiskveiðistjórnunarkerfinu hafa farið fram úr sér í útreikningum á efnahagslegum áhrifum breytinganna sem þar eru boðaðar.
 
Sigurgeir Brynjar hefur tekið saman tölur um fjárfestingar byggðar á ársreikningum fyrirtækja sem voru handhafar 55 til 85 prósenta aflaheimilda á árunum 2001 til 2009, sem Sigurgeir telur gefa glögga mynd af sjávarútveginum í heild.
 
Fyrir hrun krónunnar var meðaltal fjárfestinga í landi og á sjó um tíu milljarðar á ári, að því gefnu að ársreikningar sem Sigurgeir hefur skoðað endurspegli greinina í heild. Það eru sjö til átta prósent af tekjum greinarinnar. Hann telur þá áætlun varfærna.
 
„Ef tekjurnar í fyrra eru skoðaðar, eða eftir hrun, væri eðlileg fjárfesting í greininni sextán til átján milljarðar, miðað við átta prósent af tekjum. Hins vegar er augljóst í tölunum að sú fjárfesting hrapar niður í um fjögur prósent árið 2009," segir Sigurgeir. „Fyrirtækin ákváðu með öðrum orðum að hætta fjárfestingum árið 2008. Þarna er ég bara að tala um fjárfestingar í fasteignum; vélum, búnaði, tækjum og skipum."
 
Sigurgeir telur að eðlileg fjárfesting til viðhalds fasteigna og búnaðar sé um tíu prósent af tekjum sjávarútvegsfyrirtækis í venjulegu árferði.
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.