Gekk á 11 tinda á 15 klukkustundum

30.Maí'11 | 10:11

Vestmannaeyjar Vestmannaeyjabær

Göngugarpur gekk á ellefu tinda á fimmtán klukkustundum í dag. Hann lauk ferðinni með því að klífa hæstu fjöll Vestmannaeyja.
Þorsteinn Jakobsson hefur gengið á fjöll undanfarin ár til að minna á Ljósið, endurhæfingu fyrir fólk sem hefur greinst með krabbamein. Í fyrra gekk hann á 365 tinda, í ár hefur hann sett markið á 400. Með því að klára 11 fjallstoppa á fimmtán klukkustundum í dag náði hann tvö hundraðasta tindinum á árinu.
 
Þorsteinn hóf gönguna á Helgafelli í Mosfellsbæ um miðnætti. Þriðji síðasti tindurinn var einmitt Helgafell í Vestmannaeyjum. Hópur fólks gekk með Þorsteini á síðustu þrjú fjöllin í Eyjum.
 
Eftir Helgafellið var það Blátindur í Herjólfsdal sem er næst hæsti tindur Vestmannaeyja, 273 metra hár. Þar getur lofthræðsla látið á sér kræla rétt við toppinn þar sem feta þarf þröng einstigi og klöngrast yfir grjót sem losnaði í Suðurlandsskjálftanum árið 2000. En útsýnið er vel þess virði þegar á leiðarenda er komið.
 
Að lokum var það sjálfur Heimaklettur sem er tíu metrum hærri en Blátindur. Mörgum fannst hann auðveldari þar sem klifið er upp tréstiga þar sem bergið er brattast. Þorsteinn var að vonum ánægður með að ná áfanganum og sagðist ekki geta útskýrt hvernig hann gæti þetta, hann væri bara svona orkumikill.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.