Fyrst kom Tyrkjaránið, svo Vestmannaeyjagosið og nú Róbert Marshall

25.Maí'11 | 10:45

Huginn VE

Páll Guðmundsson framkvæmdastjóri Hugins ehf í Vestmannaeyjum segir kvótafrumvörp ríkisstjórnarinnar með ólíkindum. Huginn gerir út uppsjávarveiðiskipið Huginn VE. Páll segir að útvegsbændur í Eyjum ætli sjálfir að láta meta áhrif breytinganna á sjávarútveginn í Eyjum.
 
„Veiðiheimildir Hugins ná aðeins til uppsjávartegunda. Ef fyrirtækið ætlar að halda sínu, þurfum við að byrja á því að leigja bolfiskkvóta til að skila inn til ríkisins í þessa svokölluðu potta, sem ráðherra og sveitarstjórnarfólki er ætlað að drottna yfir, annars lendum við í sektum. Ég stórlega efast um að uppsjávarfyrirtækin geti leigt nógu mikið af heimildum til að skaffa í kerfið sem nú á að búa til. Þessi hugmynd er náttúrulega galin, hreint og klárt rugl.“
 
Páll segir augljóst að sjávarútvegsfyrirtækin pakki í vörn vegna óvissunnar um framtíðina.

„Það segir sig sjálft, engum dettur í hug að ráðast í framkvæmdir þegar staðan er eins og hún er. Ég hreinlega skil ekki hvernig mönnum dettur í hug að setja svona lagað á blað og birta það síðan. Fyrst kom Tyrkjaránið, svo Vestmannaeyjagosið og nú síðast Róbert Marshall. Hann telur sig vera heimamann hérna, þessar hugmyndir koma sannarlega Eyjum ekki til góða í framtíðinni. Svo er talað um að þessar hugmyndir eigi að skapa nýliðun í greininni. Ef einhver á pening, dettur honum örugglega ekki í hug að setja þá í sjávarútveg. Og svo mikið veit ég að strandveiðar bjarga ekki þjóðarbúinu, þótt ráðamenn og einstaka þingmenn haldi það,“ segir Páll Guðmundsson framkvæmdastjóri Hugins í Vestmannaeyjum.
 
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.