Hentar mér vel að hlaupa og berjast

Segir Þórarinn Ingi Valdimarsson

22.Maí'11 | 22:56
Þórarinn Ingi Valdimarsson lék í nýrri stöðu í liði ÍBV í kvöld en komst vel frá sínu er sínir menn fögnuðu 2-0 sigri á Keflavík í kvöld.
 
Þórarinn Ingi lék sem varnarsinnaður miðjumaður ásamt Finni Ólafssyni sem lék sinn fyrsta leik á tímabilinu í kvöld. Hann var þó fljótur að bregða sér í sóknina þegar á þurfti að halda.
„Það var lagt upp með að spila þennan leik af mikilli grimmd og hörku og mér fannst það ganga eftir,“ sagði Þórarinn Ingi en ÍBV skoraði bæði sín mörk á fyrstu tíu mínútum leiksins.
 
„Við mættum tilbúnir til leiks strax á fyrstu mínútu og það er eitthvað sem hefur vantað hjá okkur í sumar. Við hefðum getað klárað leikinn með einu marki í viðbót en samt fannst mér þetta vera öruggt allan tímann.“
 
Þórarinn Ingi kann vel við sig í þessari stöðu. „Ég hef spilað í ýmsum stöðum í þessu liði enda er Heimir þjálfari duglegur að breyta og færa til í liðinu. Það svínvirkar hjá honum.“
 
„Þetta hentaði mér í kvöld - að hlaupa og berjast,“ sagði hann að lokum.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%