Vegna umræðu um Stígamót og Þjóðhátíð

Kynferðisbrot er óhugnaður, fólskuleg árás sem skilur eftir djúpt sár

Yfirlýsing frá Páli Scheving formanni Þjóðhátíðarnefndar

1.Maí'11 | 21:21
Undirritaður vill taka skýrt fram að grasrótarsamtökin Stígamót vinna bæði þarft og gott starf. Það er ekki síst fyrir tilstilli Stígamóta að varpað hefur verið ljósi á hversu stórt, algengt og alvarlegt mein kynferðislegt ofbeldi er í íslensku samfélagi. Starf þeirra verðskuldar virðingu en er ekki hafið yfir gagnrýni. Ummæli mín á borgarafundi í Vestmannaeyjum varðandi aðkomu Stígamóta að Þjóðhátíð, eiga rætur í aðkomu samtakanna að Þjóðhátíð fyrir nokkru síðan.
Í kjölfar þeirrar hátíðar var gefið í skyn af samtökunum að hátíðin væri vandamálið. Sem er fráleitt. Síðan þá hefur þekkingin á meinsemdinni margfaldast og umræðan opnast og þroskast. Í dag fer enginn fram á það að kirkjunni sé læst. Meinið er óhugnalegur brestur í mannlegum samskiptum, sem því miður birtist í öllum kimum samfélagsins. Við því er best að bregðast með öflugum forvörnum og virku eftirliti. Það er gert á Þjóðhátíð. Gríðarlega öflugt viðbragð er við kynferðisbroti varðað fagfólki frá Herjólfsdal að Landspítalanum. Auk þess er miklum fjármunum varið í öryggisgæslu og mikilvæga þætti eins og t.d. lýsingu sem styður allt eftirlit og vöktun á svæðinu. Yfirgripsmikil þekking er í Vestmannaeyjum á viðburðastjórnun. Þá þekkingu ætti að nýta til þess að koma upp öryggisstöðlum varðandi framkvæmd t.d. útihátíða. Ég væri reiðubúinn að vinna með Stígamótum að því að styrkja forvarnir og vöktun á hátíðarsvæðum almennt.
 
Kynferðisbrot er óhugnaður, fólskuleg árás sem skilur eftir djúpt sár. Þolendur eiga alla mína samúð. Hafi ummæli mín á fundinum meitt eða sært, biðst ég afsökunar. Það var ekki tilgangurinn.

Páll Scheving Ingvarsson
Formaður Þjóðhátíðarnefndar
 
 
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.