Uppsjávarskip til dýpkunar

27.Apríl'11 | 08:38
Óvíst er hvenær Landeyjahöfn verður opnuð aftur en ólíklegt er að hægt verði að dýpka mikið næstu daga vegna veðurs og sjólags við höfnina. Siglingastofnun hefur óskað eftir því að Vinnslustöðin leggi til eitt af sínum uppsjávarskipum til dýpkunar.
Vikurnar líða og á morgun verða þær orðnar fimmtán talsins frá því að Herjólfur sigldi síðast um Landeyjahöfn. Til umræðu var að opna höfnina fyrir páska en það var slegið af vegna slæmrar veðurspár. Eftir allt sem á undan er gengið var ekki talið heppilegt að opna höfnina og þurfa hugsanlega að loka henni strax aftur vegna veðurs.
 
Samkvæmt upplýsingum frá Siglingastofnun er hafnarmynnið flöskuhálsinn. Lítið hefur verið hægt að dýpka þar allan apríl, þó sandi hafi verið dælt úr sjálfri höfninni undanfarið. Ýmist er það ölduhæð eða rok sem gera skipstjórnendum dýpkunarskipsins Skandiu erfitt fyrir í mynni hafnarinnar. Enn er beðið eftir nokkurra daga blíðu til að fjarlæga megi það sem upp á vantar svo Herjólfur geti aftur siglt um nýju höfnina.
 
Siglingastofnun hefur farið þess á leit við Vinnslustöðina í Vestmannaeyjum að útgerðin leggi til uppsjávarskipið Ísleif til tilraunadælinga með lausum dælubúnaði. Fyrrverandi útgerðarmaður í Vestmannaeyjum, Kristján Óskarsson, varpaði hugmyndinni fyrst fram á borgarafundi í Eyjum í síðasta mánuði.
 
Ekki er þó rætt um að nota dælu skipsins til að fjarlægja sand úr höfninni. Skipið yrði notað til að knýja færanlegan dælubúnað í mynni hafnarinnar og yrði sandinum dælt út fyrir höfnina. Slíkur dælubúnaður er til reiðu hjá fyrirtæki hér á landi. Erindi Siglingastofnunar hefur ekki verið svarað en málið er sagt til skoðunar hjá Vinnslustöðinni. Uppsjávarskipið Ísleifur var notað á nýafstaðinni loðnuvertíð en undanfarnar vertíðir hefur það hins vegar ekki verið notað á síldar- og makrílveiðum sem eru framundan.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.